Health Issues : பணிபுரியும் ஊழியர்கள் கண்டிப்பாக புறக்கணிக்கக் கூடாத 4 முக்கிய ஆரோக்கியப் பிரச்சினைகள்!

இன்றைய கணினி பணிச்சூழலில் அமர்ந்தே வேலை செய்யும் ஊழியர்கள் சந்திக்கும் 4 முக்கிய உடல்நலப் பிரச்சினைகள் எவை? அவற்றின் அறிகுறிகள் மற்றும் ஆரம்பத்திலேயே தற்காத்துக் கொள்ளும் எளிய வழிமுறைகளை மருத்துவர்களின் ஆலோசனையோடு விரிவாக அறிந்து கொள்ளுங்கள்!

Image Credit : Getty

மன அழுத்தம் மற்றும் மனச்சோர்வு :

வேலைக் பளு, இலக்குகள், இரவு நேர வேலை மற்றும் வேலை-வாழ்க்கை சமநிலையின்மை (Work-Life Imbalance) ஆகியவை கடுமையான மன அழுத்தத்தை ஏற்படுத்துகின்றன. இதை கவனிக்காமல் விட்டால் அது 'ஆங்ஸைட்டி' (Anxiety) மற்றும் மனச்சோர்வுக்கு வழிவகுக்கும்.

அறிகுறி: எப்போதும் சோர்வாக உணர்வது, வேலையில் கவனம் செலுத்த முடியாமை, காரணமில்லாத எரிச்சல் மற்றும் பதற்றம்.

தீர்வு: பணி நேரத்திற்குப் பிறகு வேலையிலிருந்து மனதளவில் விலகி இருக்கப் பழக வேண்டும். தினமும் தியானம், மூச்சுப் பயிற்சி மற்றும் பிடித்த பொழுதுபோக்குகளில் ஈடுபடுவது மனதை அமைதிப்படுத்தும்.

Image Credit : Getty

முதுகு, தோள்பட்டை மற்றும் கழுத்து வலி :

ணினி அல்லது லேப்டாப் முன் தினமும் 8 முதல் 10 மணி நேரம் ஒரே இடத்தில் அமர்ந்து வேலை செய்வதால், தவறான அமரும் நிலை (Bad Posture) ஏற்படுகிறது. இதனால் கழுத்து, தோள்பட்டை மற்றும் கீழ் முதுகில் கடுமையான வலி உருவாகிறது.

அறிகுறி: தொடர்ச்சியான கழுத்து பிடிப்பு, முதுகு வலி மற்றும் கை, கால்களில் மரத்துப்போகும் உணர்வு.

தீர்வு: 45 நிமிடங்களுக்கு ஒருமுறை இருக்கையிலிருந்து எழுந்து சிறிய நடைப்பயிற்சி செய்ய வேண்டும். பணிபுரியும் நாற்காலி மற்றும் மேசையை சரியான 'எர்கோனாமிக்' (Ergonomic) அமைப்பில் வைத்துக்கொள்ள வேண்டும்.

Image Credit : Getty

கண் சோர்வு மற்றும் தலைவலி :

தொடர்ச்சியாகத் திரையைப் பார்ப்பதால் 'டிஜிட்டல் ஐ ஸ்டிரைன்' (Digital Eye Strain) ஏற்படுகிறது. மேலும், ஒரே இடத்தில் அமர்ந்திருப்பது மற்றும் நேரத்திற்குச் சாப்பிடாமல் இருப்பது செரிமான மண்டலத்தைப் பாதித்து அசிடிட்டி, மலச்சிக்கல் மற்றும் உடல் பருமனுக்கு வழிவகுக்கிறது.

அறிகுறி: கண் எரிச்சல், தலைவலி, உலர் கண்கள், வயிற்று உப்புசம் மற்றும் நெஞ்செரிச்சல்.

தீர்வு: கண்களுக்கு '20-20-20 விதியை'ப் பின்பற்றவும் (ஒவ்வொரு 20 நிமிடங்களுக்கும் 20 அடி தூரத்தில் உள்ள பொருளை 20 வினாடிகள் பார்க்க வேண்டும்). நொறுக்குத் தீனிகளைத் தவிர்த்து, சத்துள்ள உணவு மற்றும் போதுமான அளவு தண்ணீர் பருக வேண்டும்.

Image Credit : Getty

ரத்த அழுத்தம் மற்றும் சர்க்கரை நோய் :

உடற்பயிற்சியின்மை மற்றும் துரித உணவுகள் (Junk Foods) உண்பதால், இளம் வயதிலேயே உயர் ரத்த அழுத்தம் (High BP) மற்றும் நீரிழிவு (Diabetes) நோய் ஏற்படும் அபாயம் அதிகரித்துள்ளது.

அறிகுறிகள்: அடிக்கடி தாகம், காரணமில்லாத உடல் எடை மாற்றம், தலைச்சுற்றல் மற்றும் மூச்சுத்திணறல்.

தீர்வு: காரம் மற்றும் உப்பு குறைந்த சத்தான உணவுகளைச் சேர்ப்பது, தினமும் 30 நிமிடங்கள் நடைபயிற்சி செய்வது மற்றும் ஆண்டுக்கு ஒருமுறை ரத்தப் பரிசோதனை செய்துகொள்வது நல்லது.