Fatty Liver: கல்லீரல் கொழுப்பைக் குறைக்கும் 5 அஞ்சறைப் பெட்டி மசாலாக்கள்!
இந்திய அஞ்சறைப் பெட்டி சிறந்த மருத்துவப் பெட்டகம். தவறான உணவு மற்றும் வாழ்க்கை முறையால் ஏற்படும் கல்லீரல் கொழுப்பு பிரச்சினைக்கு நம் வீட்டு மசாலாப் பொருட்களிலேயே சிறந்த தீர்வுகள் உள்ளன. கல்லீரல் ஆரோக்கியத்தை மேம்படுத்தும் 5 முக்கிய மசாலாக்கள் இதோ.
மஞ்சள் :
மஞ்சளில் உள்ள 'குர்குமின்' (Curcumin) என்ற வேதிப்பொருள் ஒரு சிறந்த அழற்சி எதிர்ப்பு (Anti-inflammatory) காரணியாகும். இது கல்லீரலில் ஏற்படும் வீக்கத்தைக் குறைப்பதோடு, கல்லீரல் செல்களில் நச்சுத்தன்மை வாய்ந்த கொழுப்புகள் தேங்குவதைத் தடுக்கிறது.
இஞ்சி :
இஞ்சியில் ஆன்டி-ஆக்ஸிடன்ட்டுகள் நிறைந்துள்ளன. இது உடலில் இன்சுலின் எதிர்ப்பைக் (Insulin resistance) குறைத்து, சர்க்கரை அளவை சீராக வைக்க உதவுகிறது. மேலும், கல்லீரல் திசுக்கள் பாதிப்படைவதைத் தடுத்து, ஆக்சிஜனேற்ற அழுத்தத்தில் இருந்து பாதுகாக்கிறது.
பூண்டு :
பூண்டு கல்லீரலில் உள்ள என்சைம்களை (Enzymes) தூண்டி, உடலில் உள்ள நச்சுக்களை இயற்கையாகவே வெளியேற்ற உதவுகிறது. இதோடு, உடலில் தேங்கியுள்ள ஒட்டுமொத்த தேவையற்ற கொழுப்பின் அளவைக் குறைக்கவும் இது துணைபுரிகிறது.
இலவங்கப்பட்டை :
இலவங்கப்பட்டை இரத்தத்தில் உள்ள சர்க்கரையின் அளவைக் கட்டுப்படுத்த பெரிதும் உதவுகிறது. இன்சுலின் உற்பத்தியைச் சீராக்குவதன் மூலம், உடல் தேவையைத் தாண்டி அதிகப்படியான கொழுப்பைக் கல்லீரலில் சேமிப்பதைத் இது தடுத்து நிறுத்துகிறது.
சீரகம் :
சீரகம் செரிமானத்தை மேம்படுத்துவதோடு மட்டுமல்லாமல், உடலின் வளர்சிதை மாற்றத்தையும் (Metabolism) வேகப்படுத்துகிறது. இதனால் கல்லீரலில் தேங்கியிருக்கும் கொழுப்புகள் (Lipids) வேகமாக எரிக்கப்பட்டு, கல்லீரல் சுத்தமாகிறது.
பயன்படுத்தும் முறை: இந்த மசாலாப் பொருட்களை மாத்திரைகளாகவோ அல்லது சப்ளிமெண்ட்டுகளாகவோ எடுப்பதற்குப் பதிலாக, தினசரி சமையலில் சேர்த்துக் கொள்வது, லேசான மூலிகை தேநீராகக் குடிப்பது அல்லது உணவுகளில் பச்சையாகத் தூவி உட்கொள்வதே பாதுகாப்பான மற்றும் சிறந்த வழியாகும்.
