சிக்கன், மட்டனை விடுங்க...அதையே தூக்கி சாப்பிடும் கல்யாண வீட்டு வாழைக்காய் பொரியல்

சிக்கன், மட்டன் சாப்பிட்டு போரடித்து விட்டது, வித்தியாசமாக ஏதாவது சாப்பிட்டால் நன்றாக இருக்கும் என நினைக்கிறீர்களா? அப்படி என்றால் ஒருமுறை கல்யாண வீட்டு டேஸ்ட்டில் வாழைக்காய் பொரியல் செய்து பாருங்க. அப்புறம் சிக்கன், மட்டனையே மறந்துடுவீங்க.

Image Credit : Google

கல்யாண வீட்டு வாழைக்காய் மற்றும் உருளைக்கிழங்கு வறுவல்

வாழைக்காய் மற்றும் உருளைக்கிழங்கு வறுவல் சைவ உணவுப் பிரியர்களுக்கு மிகவும் பிடித்தமான உணவு. அதிலும் குறிப்பாக கல்யாண வீடுகளில் பரிமாறப்படும் இந்த வறுவல் தனித்துவமான சுவையுடன் அனைவரையும் கவர்ந்திழுக்கும். சிலருக்கு இந்த வறுவல் அசைவ உணவான சிக்கன் மற்றும் மட்டன் சுவையையே மிஞ்சும் அளவிற்கு இருக்கும். அந்த அளவிற்கு இதன் செய்முறையில் சேர்க்கப்படும் சில மசாலாப் பொருட்களும், சமையல் முறையும் ஒரு சிறப்பான சுவையை அளிக்கிறது.

Image Credit : Google

தேவையான பொருட்கள்:

வாழைக்காய் - 2

உருளைக்கிழங்கு - 2 (பெரியது)

பெரிய வெங்காயம் - 1

தக்காளி - 1

இஞ்சி பூண்டு விழுது - 1 தேக்கரண்டி

மிளகாய்த்தூள் - 1 தேக்கரண்டி

தனியாத்தூள் - 1 1/2 தேக்கரண்டி

சீரகத்தூள் - 1/2 தேக்கரண்டி

மஞ்சள் தூள் - 1/4 தேக்கரண்டி

கரம் மசாலா - 1/2 தேக்கரண்டி

சோம்பு - 1/2 தேக்கரண்டி

கறிவேப்பிலை - ஒரு கொத்து

கொத்தமல்லி தழை - சிறிதளவு

உப்பு - தேவையான அளவு

எண்ணெய் - தேவையான அளவு

Image Credit : Google

செய்முறை:

வாழைக்காயின் தோலை நீக்கிவிட்டு, விருப்பமான வடிவத்தில் நறுக்கிக் கொள்ளவும். நறுக்கிய வாழைக்காயை சிறிது உப்பு மற்றும் மஞ்சள் தூள் கலந்த நீரில் போட்டு வைக்கவும். இதனால் வாழைக்காய் கருத்துப் போகாது.

உருளைக்கிழங்கின் தோலை நீக்கிவிட்டு, வாழைக்காய் நறுக்கிய அதே வடிவத்தில் நறுக்கிக் கொள்ளவும்.

ஒரு கடாயில் எண்ணெய் ஊற்றி எண்ணெய் சூடானதும் சோம்பு மற்றும் கறிவேப்பிலையைச் சேர்க்கவும். சோம்பு பொரிந்ததும் பொடியாக நறுக்கிய வெங்காயத்தைச் சேர்த்து பொன்னிறமாக வதக்கவும். வெங்காயம் நன்றாக வதங்கியதும் இஞ்சி பூண்டு விழுதைச் சேர்த்து பச்சை வாசனை போகும் வரை நன்கு வதக்க வேண்டும்.

பிறகு நறுக்கிய தக்காளியைச் சேர்த்து தக்காளி மசியும் வரை வதக்கவும். தக்காளி மசிந்ததும் மிளகாய்த்தூள், தனியாத்தூள், சீரகத்தூள், மஞ்சள் தூள் மற்றும் தேவையான அளவு உப்பு சேர்த்து நன்றாகக் கிளறவும். பின்னர், அதனுடன் ஊறவைத்த வாழைக்காய் மற்றும் உருளைக்கிழங்கை கடாயில் சேர்த்து மசாலாவுடன் நன்றாகக் கலந்து விடவும். கடாயை மூடி மிதமான தீயில் 10-15 நிமிடங்கள் வேக வைக்கவும். அவ்வப்போது கிளறி விடவும்,

வாழைக்காய் மற்றும் உருளைக்கிழங்கு நன்றாக வெந்ததும் கரம் மசாலாவைத் தூவி ஒரு முறை கிளறவும். இறுதியாக நறுக்கிய கொத்தமல்லி தழையைத் தூவி இறக்கவும். சுவையான கல்யாண வீட்டு வாழைக்காய் மற்றும் உருளைக்கிழங்கு வறுவல் தயார். இதனை சாதம், சாம்பார் சாதம், தயிர் சாதம் போன்றவற்றுடன் பரிமாறலாம். இதன் கறி போன்ற சுவை நிச்சயம் உங்களை அசத்தும்.