summer skin care tips சம்மரில் தோல் கருப்பாகி விட்டதா? இதோ சூப்பர் வழி இருக்கே!

கோடையில் வெளியே போய்விட்டு வந்தாலே முகம் கை, கால் எல்லாம் ‘டேன்’ஆகி கரிய நிறமாக மாறிவிடுகிறதா? பார்லருக்குப் போய் ஆயிரக்கணக்கில் செலவு செய்ய வேண்டாம். நம் வீட்டின் சமையலறையிலேயே யாரும் யோசிக்காத சில விசித்திரமான ஆச்சரியமான பொருட்கள் ஒளிந்திருக்கின்றன

Image Credit : Getty

'ஐஸ் க்யூப் காபி ஸ்க்ரப்'

காய்ச்சாத பச்சைப் பாலில் கொஞ்சம் காபித்தூள் மற்றும் கஸ்தூரி மஞ்சள் கலந்து, ஐஸ் ட்ரேயில் ஊற்றி ஐஸ் கட்டியாக்குங்கள். வெயிலில் இருந்து வந்ததும், இந்த ஒரு ஐஸ் கட்டியை எடுத்து முகம் மற்றும் கழுத்தில் மெதுவாகத் தேயுங்கள். பாலின் லாக்டிக் அமிலமும், காபியின் ஆன்டி-ஆக்ஸிடன்ட்களும் கருகிய தோலை முதல் முறையிலேயே பளிச்சென்று மாற்றும்.

Image Credit : Getty

மாம்பழத் தோலை தூக்கிப் போடாதீங்க!

கோடையில் நாம் அதிகம் சாப்பிடும் மாம்பழத்தின் தோலை மிக்ஸியில் அரைத்து, அதனுடன் ஒரு ஸ்பூன் குளிர்ந்த தயிர் சேர்த்து பேஸ்ட் ஆக்குங்கள். இதை கருமையாக இருக்கும் கைகள் மற்றும் முகத்தில் தடவி 15 நிமிடம் கழித்து கழுவுங்கள். மாம்பழத் தோலில் உள்ள இயற்கை என்சைம்கள் (Enzymes) வெயிலால் கருகிய செல்களை ஜஸ்ட் லைக் தட் நீக்கிவிடும்!

Image Credit : Getty

'பச்சை அரிசி மாவு கஞ்சி மாஸ்க்'

சாதம் வடித்த கஞ்சியை நன்றாக ஆறவைத்து பிரிட்ஜில் வையுங்கள். ஜில்லென்று ஆனதும், அதில் ஒரு ஸ்பூன் அரிசி மாவு கலந்து பேக் போடுங்கள். கொரியன் அழகிகளின் ரகசியமே இதுதான்! இது வெயில் கொப்புளங்களை ஆற்றுவதோடு, கருமையை நீக்கி முகத்தை 'கிளாஸ்' போல ஜொலிக்க வைக்கும்.

Image Credit : Getty

'புதினா - வெள்ளரி சாறு ஐஸ் மசாஜ்'

புதினா இலைகளையும், வெள்ளரிக்காயையும் சேர்த்து அரைத்து சாறு எடுங்கள். காட்டன் பஞ்சை இதில் நனைத்து முகம் முழுவதும் ஒற்றி எடுங்கள். வெயிலால் ஏற்படும் சன்-பர்ன் (Sun burn) மற்றும் தோலின் எரிச்சலை இந்த புதினா சாறு உடனடியாகக் குறைத்து, இழந்த நிறத்தை மீட்டெடுக்கும்.

Image Credit : Getty

'தேங்காய் தண்ணீர் ஸ்பிரே'

இளநீர் அல்லது தேங்காய் தண்ணீரை ஒரு ஸ்பிரே பாட்டிலில் ஊற்றி வையுங்கள். வெயிலில் அலைந்துவிட்டு வந்ததும் முகம் கழுவிவிட்டு, இதை டோனர் போல் ஸ்பிரே செய்து கொள்ளுங்கள். இது சருமத்திற்குத் தேவையான எலக்ட்ரோலைட்டுகளை வழங்கி, வெயிலால் சுருங்கிப் போன தோலை உடனடியாகப் புதுப்பிக்கும்.