சிலுக்கை காட்டி செம்ம வசூல் வேட்டை நடத்தும் மார்க் ஆண்டனி - ஆத்தாடி இரண்டே நாளில் இத்தனை கோடி கலெக்‌ஷனா?

திரிஷா இல்லேனா நயன்தாரா, அன்பானவன் அடங்காதவன் அசராதவன், பஹீரா போன்ற படங்களை இயக்கிய ஆதிக் ரவிச்சந்திரன் இயக்கத்தில் தற்போது திரைக்கு வந்துள்ள திரைப்படம் தான் மார்க் ஆண்டனி. இப்படத்தில் நடிகர் விஷால் நாயகனாக நடித்துள்ளார். அவருக்கு ஜோடியாக ரித்து வர்மா நடித்துள்ள இப்படத்தில் எஸ்.ஜே.சூர்யாவும் செம்ம மாஸான கேரக்டரில் நடித்திருக்கிறார். இதுதவிர செல்வராகவன், சுனில், அபிநயா என மிகப்பெரிய நட்சத்திர பட்டாளமே இப்படத்தில் நடித்துள்ளது.

டைம் டிராவலை மையமாக வைத்து மார்க் ஆண்டனி திரைப்படத்தை எடுத்துள்ளார் ஆதிக் ரவிச்சந்திரன். இப்படத்தை மினி ஸ்டூடியோஸ் சார்பில் வினோத் தயாரித்துள்ளார். சுமார் 40 கோடி பட்ஜெட்டில் பிரம்மாண்டமாக உருவாகி இருக்கும் இப்படம் விநாயகர் சதுர்த்தியை முன்னிட்டு கடந்த செப்டம்பர் 15-ந் தேதி திரைக்கு வந்தது. தமிழ், தெலுங்கு, கன்னடம், மலையாளம், இந்தி என பான் இந்தியா படமாக ரிலீஸ் ஆகி உள்ள இப்படத்திற்கு அமோக வரவேற்பு கிடைத்து வருகிறது.

இதையும் படியுங்கள்... பிரதர்னு சொன்ன ப்ரியா... விடாமல் பாலோ பண்ணிய அட்லீ - ஜவான் இயக்குனரின் காதல் சக்சஸ் ஆனது எப்படி?

இப்படத்தின் வெற்றிக்கு அதில் உள்ள சர்ப்ரைஸ் விஷயங்களும் முக்கிய காரணம். அதில் ஒன்று தான் சில்க் கேரக்டர். இதில் சில்க் ஸ்மிதாவை போலவே தோற்றம் கொண்ட நடிகையை சிலுக்காக நடிக்க வைத்துள்ளனர். அவர் வரும் காட்சி தியேட்டரில் விசில் பறக்கிறது. இந்த கால இளைஞர்களுக்கும் சிலுக்கு மீது அவ்வளவு காதலா என எண்ணும் அளவுக்கு அந்த கேரக்டருக்கு செம்ம ரெஸ்பான்ஸ் கிடைத்து வருகிறது. இதனால் படம் பாக்ஸ் ஆபிஸிலும் நாளுக்கு நாள் பிக் அப் ஆகி வருகிறது.

அந்த வகையில் முதல் நாளிலேயே பாக்ஸ் ஆபிஸில் ரூ.9 கோடிக்கு மேல் வசூலித்திருந்த மார்க் ஆண்டனி திரைப்படம். நேற்று விடுமுறை தினம் என்பதால் முதல் நாளை விட 20 சதவீதம் அதிகம் வசூலித்து உள்ளது. அதன்படி இரண்டாம் நாளில் மட்டும் இப்படம் ரூ.11 கோடிக்கு மேல் வசூலை வாரிக்குவித்து உள்ளதாம். இன்றும் நாளையும் விடுமுறை தினங்களாக இருப்பதால் மார்க் ஆண்டனி படம் வசூலை மேலும் வாரிக்குவிக்கும் என எதிர்பார்க்கப்படுகிறது.

இதையும் படியுங்கள்... பழங்குடியின மக்களுக்காக புது ஆம்புலன்ஸ்... பாரி வள்ளல் போல் வாரி வழங்கிய பாலாவுக்கு குவியும் பாராட்டுக்கள்