விநாயகர் சதுர்த்தி ஸ்பெஷலாக இந்தவாரம் தியேட்டர் மற்றும் ஓடிடியில் இத்தனை தமிழ் படங்கள் ரிலீஸா? முழு லிஸ்ட் இதோ

பண்டிகை நாட்கள் என்றாலே படங்களுக்கு பஞ்சம் இருக்காது. அந்த வகையில் வருகிற செப்டம்பர் 18-ந் தேதி விநாயகர் சதுர்த்தி பண்டிகை கொண்டாடப்பட உள்ளது. இப்பண்டிகையை ஒட்டி வருகிற செப்டம்பர் 15-ந் தேதி வெள்ளிக்கிழமை தியேட்டர் மற்றும் ஓடிடி தளங்களில் ரிலீஸ் ஆக உள்ள தமிழ் திரைப்படங்களின் பட்டியலை இந்த தொகுப்பில் பார்க்கலாம்.

விஷாலின் மார்க் ஆண்டனி திரைப்படம் மட்டும் தான் தியேட்டரில் சோலோவாக ரிலீஸ் ஆக உள்ளது. இதற்கு போட்டியாக ரிலீசாக இருந்த சந்திரமுகி 2 திரைப்படம் கடைசி நேரத்தில் தள்ளிப்போனதால், சிங்கிள் சிங்கமாக மிரட்ட வருகிறது மார்க் ஆண்டனி. ஆதிக் ரவிச்சந்திரன் இயக்கியுள்ள இப்படத்தில் விஷால், எஸ்.ஜே.சூர்யா, செல்வராகவன், ரித்து வர்மா என மிகப்பெரிய நட்சத்திர பட்டாளமே நடித்துள்ளது. இப்படம் செப்டம்பர் 15-ந் தேதி திரைக்கு வருகிறது.

இயக்குனர் எம்.ராஜேஷ் இயக்கத்தில் உருவாகி உள்ள வெப் தொடர் தான் மை3. இப்படத்தில் சாந்தனு, ஹன்சிகா, முகென் ராவ், ஆஷ்னா ஜவேரி, ஜனனி என மிகப்பெரிய நட்சத்திர பட்டாளமே நடித்துள்ளது. ரொமாண்டிக் காமெடி வெப் தொடரான இது வருகிற செப்டம்பர் 15-ந் தேதி டிஸ்னி பிளஸ் ஹாட்ஸ்டாரில் நேரடியாக ரிலீஸ் ஆக உள்ளது.

இதையும் படியுங்கள்... இது என்னடா ஷாருக்கானுக்கு வந்த சோதனை? இரண்டு முக்கிய இடங்களில் வசூலில் கோட்டை விட்ட 'ஜவான்'!

வசந்த பாலன் இயக்கத்தில் அர்ஜுன் தாஸ் ஹீரோவாக நடித்த திரைப்படம் அநீதி. இதில் அர்ஜுன் தாஸுக்கு ஜோடியாக துஷாரா விஜயன் நடித்திருந்தார். கடந்த ஜூலை 1-ந் தேதி தியேட்டரில் ரிலீஸ் ஆன இப்படம் தற்போது ஓடிடியில் ரிலீஸ் ஆக உள்ளது. வருகிற செப்டம்பர் 15-ந் தேதி அமேசான் பிரைம் ஓடிடியில் இப்படம் வெளிவர இருக்கிறது.

எம்.ஆர்.மாதவன் இயக்கத்தில் உதய் கார்த்திக், ரிஷி ரித்விக் ஆகியோர் நடிப்பில் கடந்த ஜூலை மாதம் திரைக்கு வந்த திரைப்படம் டைனோசர்ஸ். கேங்ஸ்டர் கதையம்சம் கொண்ட இப்படம் விமர்சன ரீதியாக நல்ல வரவேற்பை பெற்றது. இந்நிலையில், இப்படமும் செப்டம்பர் 15-ந் தேதி சிம்ப்ளி சவுத் ஓடிடியில் ரிலீசாக உள்ளது.

இதையும் படியுங்கள்... பூக்களே சற்று ஓய்வெடுங்கள்... இயற்கை அழகை பீட் பண்ணிய இடுப்பழகி! ரம்யா பாண்டியனின் கார்ஜியஸ் கிளிக்ஸ் இதோ