மரண மாஸ்... வசூலில் 400 கோடியை தொட்டு புதிய சாதனை படைத்த கமலின் விக்ரம்... உலகம் முழுவதும் செம வசூல் வேட்டை

கமலின் விக்ரம் திரைப்படம் பாக்ஸ் ஆபிஸில் கடந்த 5 வருடங்களாக எந்த ஒரு தமிழ் படமும் செய்யாத சாதனையான பாகுபலி 2 பட தமிழக வசூல் சாதனையையே விக்ரம் படம் முறியடித்திருப்பது அனைவருக்கும் ஆச்சரியத்தை கொடுத்துள்ளது. மற்றபடி வேறு எந்த நடிகரின் படமும் இந்த வருடம் இவ்வளவு வசூல் செய்யவில்லை.

நடிகர் கமல்ஹாசன் நடிப்பில், லோகேஷ் கனகராஜ் இயக்கியிருந்த இப்படத்தில் சூர்யா, காயத்ரி, பகத் பாசில், காளிதாஸ் ஜெயராம், விஜய் சேதுபதி, செம்பன் வினோத் என மிகப்பெரிய நட்சத்திர பட்டாளமே நடித்திருந்தது. அனிருத்தின் மிரட்டலான பின்னணி இசை, கிரீஷ் கங்காதரனின் பிரம்மிப்பூட்டும் ஒளிப்பதிவு என டெக்னிக்கல் ரீதியாகவும் இப்படம் சிறந்து விளங்கியது.

இதையும் படியுங்கள்... Harish Kalyan : சைலன்டாக நடக்கும் திருமண வேலைகள்... நடிகர் ஹரீஷ் கல்யாணுக்கு விரைவில் டும்டும்டும்?

லோகேஷின் பக்கா ஆக்‌ஷன் திரைப்படமாக வெளியான விக்ரம் திரைப்படம் இதுவரை இல்லாதளவு வசூல் சாதனைகளை நிகழ்த்தி வருகிறது. இன்னும் திரையரங்குகளில் மக்கள் கூட்டம் அலைமோதி காணப்படுவதால், விக்ரம் திரைப்படம் உலகளவில் செம்ம வசூல் வேட்டை நடத்தி வருகிறது. அதுமட்டுமின்றி, வரும் ஜூலை 8ம் தேதி ஓடிடியில் வெளியாகும் என்றும் கூறப்படுகிறது.

இதையும் படியுங்கள்... இதுவும் போச்சா... சொந்த படமும் சொதப்பியதால் சோகத்தில் கீர்த்தி சுரேஷ் - இனி உதயநிதி தான் காப்பாத்தனும்!

உலகம் முழுவதும் வெளியான இந்தப் படம் 23 நாட்களில் ரூ.400 கோடிக்கு மேல் வசூலித்து சாதனை படைத்துள்ளது. இந்த வாரம் பல்வேறு புதிய படங்கள் ரிலீசான போதும் புதுப்படங்களுக்கு போட்டியாக விக்ரம் படமும் பாக்ஸ் ஆபிஸில் நல்ல வசூல் செய்தது. விக்ரம் படத்தின் வசூல் வேட்டை தொடர்ந்து வருவதால் வரும் நாட்களின் இப்படம் 500 கோடியை நெருங்கும் என்றும் எதிர்பார்க்கப்படுகிறது. 

மேலும் படிக்க....60 வது வயதில் 4வது திருமணம் செய்த பிரபல நடிகர்..பல்லு போன வயதில் பக்கோடா வா? பங்கமாய் கலாய்க்கும் நெட்டிசன்கள்