விஜய் டிவி பிரபலம்... காமெடி நடிகர் ஷேசுக்கு திடீர் மாரடைப்பு! காவேரி மருத்துவமனையில் அனுமதி!
விஜய் டிவியில் ஓளிபரப்பான லொள்ளு சபா நிகழ்ச்சி மூலம் பிரபலமான, நடிகர் ஷேசு பல ஏழை பெண்களின் திருமணத்திற்கு உதவி செய்து கொண்டிருக்கிறார்.
விஜய் டிவியில், ஒளிபரப்பான லொள்ளு சபா நிகழ்ச்சியின் ஸ்டாண்ட் அப் காமெடி மூலம் பிரபலமடைந்தவர் ஷேசு. இதை தொடர்ந்து தனுஷ் அறிமுகமான 'துள்ளுவதோ இளமை' என்ற திரைப்படத்தின் மூலம் வெள்ளித்திரையில் காமெடியனாக காலடி எடுத்து வைத்தார். இதை தொடர்ந்து பல படங்களில் சிறு சிறு வேடங்களில் மட்டுமே இவருக்கு நடிக்க வாய்ப்பு கிடைத்தது.
லொள்ளு சபா நிகழ்ச்சியில், இவருடைய டைமிங் காமெடியும், உடல் மொழி போன்றவற்றால் பலரை கவர்ந்தார். நடிகர் சந்தானம் இவர் மீது மிகுந்த மரியாதை வைத்துள்ளதால்... தொடர்ந்து தன்னுடைய படங்களில் கவனிக்கப்படும் கதாபாத்திரம் கொடுத்தார். குறிப்பாக A1 திரைப்படத்தில் " நான் யாருன்னு என்கிட்ட கேட்கிறதை விட, வேற யாருகிட்டயாவது போய் நான் யாருன்னு கேட்டு பாரு.. அச்சச்சோ அவரா பயங்கரமான ஆளாச்சே.! அவர் கிட்ட கொஞ்சம் ஜாக்கிரதையா இருங்கப்பா என்று சொல்லுவாங்க..." என பேசி பலரையும் சிரிக்க வைத்தார்.
அதே போல் சமீபத்தில் சந்தானம் நடிப்பில் வெளியான, 'வடக்குப்பட்டி ராமசாமி' படத்திலும் இவரின் காமெடி காட்சிகள் பல ரசிகர்களை கவர்ந்தது. சின்னத்திரையிலும் - வெள்ளித்திரையில் லட்ச கணக்கில் சம்பாதிக்கவில்லை என்றாலும், 10க்கும் மேற்பட்ட ஏழை பெண்களுக்கு திருமணம் செய்து வைத்துள்ளார் சேசு.
சமீப காலமாகவே அவ்வப்போது உடல்நல குறைவால் இவர் அவதிப்பட்டு வந்த நிலையில், நேற்று இவருக்கு திடீர் என மாரடைப்பு ஏற்பட்டுள்ளது. இதை தொடர்ந்து சென்னை காவேரி மருத்துவமனையில் அனுமதிக்கப்பட்டுள்ள இவருக்கு தொடர்ந்து மருத்துவர்கள் சிகிச்சை அளித்து வருகிறார்கள். விரல் சேசு பூரண நலம் பெற, ரசிகர்கள் தங்களின் வாழ்த்துக்களை தெரிவித்து வருவது குறிப்பிடத்தக்கது.