விஜய் திரிஷா லிப்கிஸ் முதல் ரஜினியின் ரெட்ரோ பாடல் வரை... லியோவில் லோகேஷ் வைத்த சர்ப்ரைஸுகள் ஒரு பார்வை
விஜய் லோகேஷ் கனகராஜ் கூட்டணியில் வெளியான லியோ திரைப்படத்தில் இடம்பெற்ற சர்ப்ரைஸான சீன்கள் பற்றி இந்த தொகுப்பில் பார்க்கலாம்.
Trisha Vijay
தமிழ் சினிமாவில் மாநகரம், கைதி, மாஸ்டர், விக்ரம் என நான்கு தரமான ஹிட் படங்களை கொடுத்த லோகேஷ் கனகராஜ், ஐந்தாவதாக இயக்கி உள்ள திரைப்படம் லியோ. நடிகர் விஜய் நாயகனாக நடித்துள்ள இப்படத்தில் திரிஷா தொடங்கி சஞ்சய் தத் வரை மிகப்பெரிய நட்சத்திர பட்டாளமே நடித்துள்ளது. லியோ திரைப்படம் பெரும் எதிர்பார்ப்புக்கு மத்தியில் நேற்று உலகமெங்கும் ரிலீஸ் ஆனது. இப்படம் வெளியானதில் இருந்து கலவையான விமர்சனங்களே கிடைத்து வருகிறது.
vijay
குறிப்பாக லியோ படம் பார்த்த பெரும்பாலானோர் சொல்வது முதல் பாதி அளவுக்கு இரண்டாம் பாதி இல்லை என்பது தான். முதல் பாதியை விறுவிறுப்பாக கொண்டு சென்ற லோகேஷ் இரண்டாம் பாதியில் சொதப்பியதாக விமர்சனங்கள் எழுந்தாலும் இப்படத்தில் நிறைய சர்ப்ரைஸான காட்சிகளும் ஆங்காங்கே ஒளிந்திருக்கின்றன. அதைப்பற்றி இந்த தொகுப்பில் விரிவாக பார்க்கலாம்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
மடோனா செபாஸ்டியன்
லியோ படத்தில் இடம்பெற்ற மிகப்பெரிய சர்ப்ரைஸ்களில் ஒன்று மடோனா செபாஸ்டியனின் கேரக்டர். கடைசி வரை அவர் இப்படத்தில் இருப்பதை படக்குழுவும் சீக்ரெட்டாக வைத்திருந்தது. நடிகர் விஜய்யின் தங்கையாக நடித்துள்ள மடோனாவுக்கு ஒரு சில காட்சிகளே இருந்தாலும், அதில் அசத்தலாக ஸ்கோர் செய்து இருக்கிறார். குறிப்பாக நான் ரெடி தான் பாடலில் விஜய் உடன் டான்ஸ் ஆடுவது தொடங்கி, ஆக்ஷனின் அதகளம் செய்வது வரை அவர் ஒரு மிகப்பெரிய சர்ப்ரைஸ் தான்.
விஜய் திரிஷா லிப்கிஸ்
லியோ படத்திற்கு விஜய் திரிஷாவின் கெமிஸ்ட்ரியும் ஒரு ப்ளஸ் ஆக பார்க்கப்படுகிறது. இருவரும் திரையில் அவ்வளவு எதார்த்தமாக நடித்துள்ளனர். இதுவரை திரிஷா உடன் பல படங்களில் நடித்துள்ள விஜய், முதன்முறையாக அவருடன் லிப்லாக் காட்சியில் நடித்துள்ளது இந்த படத்தில் தான். அந்த காட்சியை மிகவும் அழகாக காட்சி படுத்தி இருந்தார் லோகேஷ்.
ஹைனா
லியோ படத்தில் ஹைனா ஒரு முக்கிய பங்காற்றி உள்ளது. படத்தின் தொடக்கமே ஹைனா காட்சி தான். அந்த ஹைனாவின் குணாதிசியமும் விஜய்யின் குணாதிசியமும் கிட்டத்தட்ட ஒன்றாகவே இருக்கும்படி கதையை நகர்த்தி இருப்பார் லோகேஷ். ஆரம்பத்தில் விஜய் ஹைனா ஒன்றை தத்தெடுத்து வளர்ப்பது போல் காட்டிவிட்டு, கிளைமாக்ஸில் அதைவைத்து ஒரு டுவிஸ்ட்டும் கொடுத்து ஆச்சர்யப்படுத்தி இருந்தனர் என்று தான் சொல்ல வேண்டும்.
ரெட்ரோ பாடல்கள்
லோகேஷின் படங்கள் என்றாலெ ரெட்ரோ பாடல்கள் இல்லாமல் இருக்காது. கைதி தொடங்கி மாஸ்டர், விக்ரம் என படத்துக்கு படம் அவருடைய பிளேலிஸ்ட் நீண்டுகொண்டே செல்கிறது. அந்த வகையில் இந்த படத்தில் கரு கரு கருப்பாயி மற்றும் தாமரை பூவுக்கும் ஆகிய இரண்டு பாடல்களையும் முழுவதுவமாக ஒலிக்கவிட்டு காஃபி ஷாப் சண்டைக் காட்சியை அவர் கையாண்ட விதம் அருமையாக இருந்தது. அதேபோல் கிளைமாக்ஸில் நான் பொல்லாதவன் என ரஜினி பட பாடலை பயன்படுத்தி ரசிகர்களை உற்சாகப்படுத்திய விதமும் சூப்பராக இருந்தது.
எல்சியு
லியோ எல்சியு-வில் உள்ளதா இல்லையா என்பதை சர்பரைஸாகவே வைத்திருந்த லோகேஷ். இதில் தனது முந்தைய படங்களில் இருந்து 3 கதாபாத்திரங்களை கொண்டு வந்திருந்தார். அதில் ஒன்று கைதியில் நெப்போலியனாக நடித்திருந்த ஜார்ஜ் மரியான், மற்றொன்று விக்ரமில் நடித்த மாயா மற்றும் மூன்றாவதாக கிளைமாக்ஸில் கமலின் வாய்ஸ் ஓவரை கொடுத்து விஜய்யை தன்னுடைய யுனிவர்ஸுக்குள் அழைத்து சென்றுள்ளார் லோகேஷ்.
இதையும் படியுங்கள்... ஜெயிலர் சாதனையை அடித்துநொறுக்கி... முதல் நாளே பாக்ஸ் ஆபிஸில் 100 கோடிக்கு மேல் வசூலை அள்ளிய லியோ