டோலிவுட்.. மோலிவுட்.. கோலிவுட்.. பட்டையை கிளப்பும் அர்ஜுன் தாஸ் - கைவசம் எத்தனை படம் இருக்கு தெரியுமா?

Actor Arjun Das : நேற்று வெளியான நடிகர் அர்ஜுன் தாஸ் அவர்களின் போர் திரைப்படம், மக்கள் மத்தியில் நல்ல வரவேற்பை பெற்றுள்ளது. அர்ஜுன் மற்றும் காளிதாஸ் ஜெயராமின் நடிப்பில் வெகுவாக பாராட்டப்படுகிறது.

Arjun

தமிழ் திரை உலகில் கடந்த 2012 ஆம் ஆண்டு வெளியான "பெருமான்" என்கின்ற திரைப்படத்தின் மூலம் நடிகராக அறிமுகமானவர் தான் அர்ஜுன் தாஸ். அதன் பிறகு ஒரு தெலுங்கு திரைப்படத்திலும் ஒரு குறும்படத்திலும் நடித்திருந்த அர்ஜுன் தாசுக்கு கிடைத்த மாபெரும் வெற்றி வாய்ப்பு தான் கடந்த 2019 ஆம் ஆண்டு பிரபல இயக்குனர் லோகேஷ் கனகராஜ் இயக்கத்தில் வெளியான கைதி திரைப்படம்.

Master

அன்பு என்ற கதாபாத்திரத்தில் மிகவும் நேர்த்தியாக நடித்திருந்தார், அதன் பிறகு தளபதி விஜயுடன் மாஸ்டர், "புத்தம் புது காலை விடியாதா", உலக நாயகனின் "விக்ரம்" மற்றும் "அநீதி" போன்ற படங்கள் அர்ஜுன் தாசுக்கு மக்கள் மத்தியில் பெரிய அளவில் வரவேற்பை கொடுத்தது. மேலும் நேற்று வெளியான அவருடைய போர் திரைப்படமும் நல்ல விமர்சனங்களை பெற்று வருகின்றது.

arjun das movies

இந்நிலையில் தற்பொழுது தெலுங்கு மொழியில் உருவாகும் "தே கால் ஹிம் ஓஜி" என்கின்ற திரைப்படத்தில் நடித்து வருகிறார் அர்ஜுன் தாஸ். இது மட்டுமல்லாமல் "ரசவாதி", "கைதி - 2" அதன் பிறகு அகமது கபீர் என்பவருடைய இயக்கத்தில் ஒரு மலையாள திரைப்படம். அதன் பிறகு விஷால் வெங்கட் இயக்கத்தில் உருவாகும் ஒரு திரைப்படம் என்று ஐந்துக்கும் மேற்பட்ட படங்களில் நடிக்க அவர் தற்பொழுது கமிட்டாகி உள்ளார்.