திருப்பதி ஏழுமலையான் கோவில் ஏப்ரல் மாத தரிசனத்துக்கான ரூ.300 விரைவு தரிசன டிக்கெட் ரிலீஸ் எப்போது?

உலக பிரசித்தி பெற்ற திருப்பதி ஏழுமலையான் கோவிலில் தினமும் பல்வேறு மாநிலங்கள் மற்றும் நாடுகளில் இருந்து பல்லாயிரக்கணக்கான பக்தர்கள் வருகை தந்து சாமி தரிசனம் செய்து வருகின்றனர். கூட்டநெரிசலை குறைக்கும் வகையில் பக்தர்கள் வசதிக்காக இலவச தரிசனம், சிறப்பு தரிசனம் ஆகிய முறைகளில் பக்தர்கள் அனுமதிக்கப்படுகிறார். 

அந்த வகையில் ஒவ்வொரு மாதமும் 18 முதல் 20-ம் தேதிக்குள் சுப்ரபாதம் தரிசனம் செய்ய ஆன்லைனில் முன்பதிவு செய்யலாம். மூத்த குடிமக்கள், மாற்றுத்திறனாளிகள் ஆகியோருக்கான முன்னுரிமை அடிப்படையிலான தரிசன டோக்கன்கள் இம்மாதம் 23ம் தேதி மதியம் 3 மணிக்கு ஆன்லைனில் வெளியிடப்படும். ஏப்ரல் மாதத்திற்கான ரூ.300 டிக்கெட்டுகள் 24ஆம் தேதி காலை 10 மணிக்கு ஆன்லைனில் வெளியிடப்பட்டு வருகிறது. 

இந்நிலையில், திருப்பதி ஏழுமலையான் கோயில் ஏப்ரல் மாத தரிசனத்துக்கான ரூ.300 கட்டண ஆன்லைன் டிக்கெட் முன்பதிவு நாளை காலை 10 மணிக்கு தேவஸ்தானத்தின் இணையதளம் பக்கத்தில் வெளியாகிறது. ttdevasthanams.ap.gov.in என்ற இணையதள பக்கத்தில் முன்பதிவு செய்து கொள்ளலாம் என தெரிவிக்கப்பட்டுள்ளது.