மிகவும் ரொமாண்டிக்கான ராசிக்காரர்கள் இவர்கள் தானாம்.. நீங்க எந்த ராசி?

ஒரு நபரின் ராசி மற்றும் நட்சத்திரத்தை வைத்தே அவரின் ஆளுமையை கணிக்க முடியும் என்று ஜோதிட சாஸ்திரம் கூறுகிறது. அந்த வகையில் சில ராசிக்காரர்கள் மட்டும் மிகவும் ரொமாண்டிக்காக நபராக இருப்பார்களாம். எனவே மிகவும் ரொமாண்டிக்கான ராசிக்காரர்கள் யார் என்று இந்த பதிவில் பார்க்கலாம்.

மீனம் :

மீன ராசிக்காரர்கள் கற்பனை மற்றும் இரக்க குணத்திற்கு பெயர் போனவர்கள், எனவே இவர்கள் தங்கள் துணையின் உணர்ச்சிகளுடன் வலுவான பிணைப்பை ஏற்படுத்துவார்கள். மேலும் தங்களின் அன்பு மற்றும் கருணைமிக்க செயல்கள் மூலம் தங்கள் துணையின் கவனத்தை ஈர்ப்பார்கள். உறவில் சுயநலமில்லாத இவர்கள் தங்கள் துணையிடம் மிகவும் பாசமாக நடந்து கொள்வார்கள். காதல் கடிதங்கள் எழுதுவது முதல் இன்ப சுற்றுலாவுக்கு அழைத்து செல்வது வரை பல செயல்களில் ஈடுபடுவார்கள். எனவே இவர்கள் காதல் என்று வரும் போது மிகவும் ரொமாண்டிக்கானவர்களாக இருப்பார்கள்.

துலாம்

துலாம் ராசிக்கார்கள் பொதுவாகவே தங்கள் வாழ்க்கையின் அனைத்து அம்சங்களிலும் சமநிலையை விரும்புவதால், அவர்கள் தங்கள் உறவுகளில் நல்லிணக்கம் வேண்டும் என்று நினைப்பார்கள். இவர்கள் பெரும்பாலும் தங்கள் துணையை ரொமாண்டிக் ட்ரிப்பை அழைத்து செல்வார்கள். கேண்டில் லைட் டின்னர் தொடங்கி பல ரொமாண்டிக் செயல்களில் அதிகம் ஈடுபட்டு தங்கள் துணையை மகிழ்ச்சியாக வைத்திருப்பார்கள்.

கடகம்

ஆழ்ந்த உணர்ச்சிகளை கொண்ட கடக ராசிக்காரர்கள் தங்கள் உறவில் வலுவான தொடர்பை உருவாக்க விரும்புவார்கள். தங்கள் துணையிடம்  மிகவும் அக்கறையுடனும் உறுதியுடனும் இருக்கிறார்கள், இதன் மூலம் சிறந்த துணையாக இருப்பார்கள். திருமண நாள், பிறந்த நாள், போன்ற சிறப்பு நிகழ்வுகளை நினைவில் வைத்திருக்கும் இவர்கள் தங்கள் துணைக்கு உணர்வுப்பூர்வ பரிசை வழங்கி அசத்துவார்கள்.

சிம்மம்:

சிம்ம ராசிக்காரர்கள் பொதுவாகவே உண்மையான காதலை வைத்திருப்பார்கள். மிகவும் உற்சாகமாக இருக்கும் இவர்களின் உறவில் தங்கள் துணையையும் உற்சாகமாக வைத்திருக்க விரும்புவார்கள். தங்கள் துணையுடன் வெளியே செல்லும் போதும் சரி தங்கள் துணைக்கு பரிசளிக்கும் போது, தங்கள் பிரம்மாண்ட செயல்கள் மூலம் துணையை ஈர்த்துவிடுவார்கள். தங்கள் துணையை அதிகமாக நேசிக்கும் இவர்கள் படு ரொமாண்டிக்கானவர்கள் என்பதில் சந்தேகமில்லை.

ரிஷபம் :

காதல் மற்றும் நீடித்த உறவை விரும்பும் ரிஷப ராசிக்காரர்கள் தங்கள் உறவில் நிலையான மற்றும் நம்பகமான துணையாக இருப்பார்கள் தங்கள் வாழ்க்கையில் சிறந்த ஆடம்பரத்தை விரும்பும் இவர்கள், அந்த அனுபவத்தை அவர்கள் தங்கள் துணையுடன் பகிர்ந்து கொள்ள விரும்புவார்கள். இதனால் இவர்கள் மிகவும் ரொமாண்டிக்கான நபர்களாக இருப்பார்கள்.