Leo Day 5 Collection: போட்ரா வெடிய... வசூல் மழை பொழியும் 'லியோ'..! இந்தியாவில் மட்டும் இத்தனை கோடி கலெக்ஷனா?

தளபதி விஜய் மற்றும் லோகேஷ் கனகராஜ் கூட்டணியில், உருவாகியுள்ள 'லியோ' திரைப்படம், இந்தியா மற்றும் சர்வதேச பாக்ஸ் ஆபிஸில் நல்ல வசூலை பெற்று வருகிறது. நேற்றைய தினம் இப்படம் உலகம் முழுவதும் ரூ.400 கோடிக்கு மேல் வசூலித்த தகவல் வெளியாகி ஒட்டு மொத்த ரசிகர்களையும் உச்சாகமடைய செய்தது. 
 

இதை தொடர்ந்து இந்திய வர்த்தக அறிக்கைகளின்படி, 'லியோ' இந்தியாவில் மட்டும் ஐந்து நாட்களில் ரூ.200 கோடி வசூலை தாண்டியுள்ளது என தகவல்கள் வெளியாகியுள்ளது. அதே போல் உலக அளவில் லியோ 438 கோடியை கடந்துள்ளதாக கூறப்படுகிறது. இந்த தகவல் ரசிகர்களை மட்டும் இன்றி, படக்குழுவினரையும் சந்தோஷத்தில் ஆழ்த்தியுள்ளது. 

பூவா தலையா சீரியலால்.. சூப்பர் ஹிட் சீரியலுக்கு வந்த சோதனை! அதிரடியாக மாற்றப்படும் நேரம்.. கடுப்பில் ரசிகர்கள்
 

தமிழகத்தில் அக்டோபர் 23ஆம் தேதி, வசூல் நிலவரப்படி 'லியோ' படம் ரூ.26 கோடி வசூல் செய்துள்ளதாக கூறப்படுகிறது. கேரளாவில் ரூ.7 கோடியும், கர்நாடகாவில் ரூ 3 கோடியும், ஆந்திரா மற்றும் தெலுங்கானாவில் ரூ 2.50 கோடியும் வசூலித்துள்ளதாக தகவல் வெளியாகியுள்ளது. 
 

லோகேஷ் கனகராஜின் LCU படமாக வெளியாகியுள்ள லியோ, ஒருபுறம் கலவையான விமர்சனங்களை பெற்று வந்தாலும், ரசிகர்கள் மற்றும் ஃபேமிலி ஆடியன்ஸ் மத்தியில் அமோக வரவேற்பை பெற்றுள்ளது. நாளைய தினம், 500 கோடியை இப்படம் எட்டுமா? என்கிற எதிர்பார்ப்பும் எழுந்துள்ளது. லோகேஷ், ரத்ன குமார் மற்றும் தீரஜ் வைத்தி திரைக்கதையில் உருவாகியுள்ள லியோ படத்தில் விஜய், த்ரிஷா, சஞ்சய் தத், அர்ஜுன், மிஷ்கின், சாண்டி கவுதம் மேனன் உள்ளிட்ட பலர் முக்கிய வேடங்களில் நடித்துள்ளனர் என்பது குறிப்பிடத்தக்கது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D