Vijay: 'லியோ' பட தயாரிப்பாளர் லலித் குமார் மகன் திருமணத்தில் கலந்து கொண்ட தளபதி! வைரலாகும் போட்டோஸ்..!

லியோ படத்தின் தயாரிப்பாளர் லலித் குமார் மகனின் திருமண வரவேற்பு நிகழ்ச்சியில், தளபதி விஜய் கலந்து கொண்டு சிறப்பித்துள்ளார். இதுகுறித்த புகைப்படங்கள் வைரலாகி வருகிறது. 

மிகக் குறுகிய காலத்தில், தமிழ் சினிமாவில் முன்னணி தயாரிப்பாளராக  உயர்ந்தவர் 7 ஸ்கிரீன் ஸ்டுடியோ நிறுவனத் தலைவர் லலித் குமார். இவர் தளபதி விஜயின் நெருங்கிய உறவினர் ஆவார். தளபதி விஜய் நடிப்பில் வெளியான மாஸ்டர் படத்தில் இணை தயாரிப்பாளராக இருந்த இவர், இதைத் தொடர்ந்து சமீபத்தில் இயக்குனர் லோகேஷ் கனகராஜ் இயக்கத்தில் தளபதி விஜய் நடிப்பில் வெளியான லியோ படத்தை தயாரித்திருந்தார்.

திரிஷா, கௌதம் மேனன், பிரியா ஆனந்த், சஞ்சய் தத், அர்ஜுன் உள்ளிட்ட பல பிரபலங்கள் நடிப்பில் வெளியாகி, சுமார் 600 கோடிக்கு மேல் வசூல் சாதனை செய்த லியோ படத்தின், சக்சஸ் மீட்டை, இசைவெளியீட்டு விழாவை போல் மிக பிரம்மாண்டமாக நடத்தி முடித்தார் லலித் குமார்.

இவர் தன்னுடைய செவன் ஸ்கிரீன் நிறுவனத்தின் மூலம், காத்து வாக்குல ரெண்டு காதல், கோப்ரா, மகான், உள்ளிட்ட பல பிரமாண்ட படங்களை தயாரித்துள்ளார். இந்நிலையில் லலித் குமாரின் மகன் திருமண வரவேற்பு இன்று நிகழ்ச்சி சென்னையில் பிரமாண்டமாக நடந்த நிலையில், இதில் தளபதி விஜய் கலந்துகொண்டு மணமக்களை வாழ்த்தினார்.

 மிகவும் எளிமையாக வெள்ளை நிற ஃபார்மல் ஷர்ட் அணிந்து, லியோ பட கெட்டப்பில் வந்த தளபதி, மணமக்களை வாழ்த்திவிட்டு  சில நிமிடங்களிலேயே வெளியேறியதாக கூறப்படுகிறது. இந்த போட்டோஸ் தற்போது சமூக வலைத்தளத்தில் வைரலாகி வருகிறது. இந்த நிகழ்ச்சியில் பல பிரபலங்கள் கலந்து கொண்டு மணமக்களை வாழ்த்தினர் என்பது குறிப்பிடத்தக்கது.