விவாகரத்து டிராமா - எல்லாமே சீட்டிங்: ரசிகர்களை ஏமாற்றும் ஹர்திக் பாண்டியா? ரோகித் குப்தா விமர்சனம்!
ஹர்திக் பாண்டியா மற்றும் நடாஷா ஸ்டான்கோவிச் இடையிலான விவாகரத்து செய்தியில் எந்தவித உண்மை இல்லை என்று பிரபல யூடியூபர் ரோகித் குப்தா கடுமையாக விமர்சனம் செய்துள்ளார்.
Hardik Pandya and Natasa Stankovic
ஹர்திக் பாண்டியா மற்றும் நடாஷா ஸ்டான்கோவிச் இடையிலான விவாகரத்து செய்தி எல்லாம் டிராமா. அதில் எந்தவித உண்மையும் இல்லை என்று பிரபல யூடியூபர் ரோகித் குப்தா கடுமையாக விமர்சனம் செய்துள்ளார். நடப்பு ஆண்டுக்கான ஐபிஎல் 2024 தொடரில் ஹர்திக் பாண்டியா தலைமையிலான மும்பை இந்தியன்ஸ் அணியானது விளையாடிய 14 போட்டிகளில் 4ல் மட்டுமே வெற்றி பெற்று 10 போட்டிகளில் தோல்வி அடைந்து புள்ளிப்பட்டியலில் கடைசி இடம் பிடித்திருந்தது.
Hardik Pandya and Natasa Stankovic
ஐபிஎல் கிரிக்கெட் தொடரைத் தொடர்ந்து ஜூன் 1ஆம் தேதி முதல் 29 ஆம் தேதி வரையில் டி20 உலகக் கோப்பை தொடர் நடைபெறுகிறது. இதற்கான இந்திய அணியின் ஒரு பேட்ஜ் நியூயார்க் சென்றுள்ளது. இந்த தொடரில் இந்திய அணியின் துணை கேப்டனாக ஹர்திக் பாண்டியா நியமிக்கப்பட்டுள்ளார்.
Hardik Pandya and Natasa Stankovic
இந்த நிலையில் தான் இந்த தொடரில் ரசிகர்களின் ஆதரவை பெற வேண்டும் என்பதற்காக இப்படியொரு விவாகரத்து நாடகத்தை நடத்தி வருகிறார் என்று பிரபல யூடியூபர் ரோகித் குப்தா கூறியுள்ளார். நடாஷா ஸ்டான்கோவிச்சால் ஹர்திக் பாண்டியா பாதிக்கப்பட்டுள்ளார் என்பது போன்றும், எனினும் மனைவியை பிரிய நேரிட்டால் ஹர்திக் பாண்டியா ஜீவனாம்சமாக 70 சதவிகித சொத்தை இழக்க நேரிடும் என்றும் செய்தி வெளியானது.
Hardik Pandya and Natasa Stankovic
ஆரம்பத்தில் ரெடிட் என்ற கிசுகிசு எழுதும் சமூக வலைதள பக்கத்தில் ஹர்திக் பாண்டியா மற்றும் நடாஷா ஸ்டான்கோவிச் தங்களது சமூக வலைதள பக்கத்தில் இருவரும் ஒன்றாக இருப்பது போன்ற எந்த புகைப்படத்தையும் பதிவிடவில்லை. மேலும், இருவரும் தனித்தனியாக புகைப்படங்களை பதிவிட்டு வந்தனர்.
Hardik Pandya and Natasa Stankovic
இதைத் தொடர்ந்து அடுத்த நாளில் ஹர்திக் பாண்டியா மற்றும் நடாஷா ஸ்டான்கோவிச் இருவருக்கும் இடையில் கருத்து வேறுபாடு இருப்பதாகவும், இருவரும் பிரிந்து வாழ்ந்து வருவதாகவும், விவாகரத்து பெற இருப்பதாகவும் தகவல் வெளியானது.
Natasa Stankovic
மூன்றாவது நாளன்று நடாஷாவை பிரிந்தால் ஹர்திக் பாண்டியா தனது சொத்தில் 70 சதவிகிததை இழக்க நேரிடும் என்றும் கூறப்பட்டது. இவற்றிற்கு எல்லாம் ஆதாரமே இல்லை. இதற்கிடையில் நடாஷா ஜிம் பயிற்சியாளருடன் வந்து காரில் ஏறி சென்ற வீடியோ வெளியானது. இதன் காரணமாக ஆண் நண்பருடன் நடாஷாவிற்கு தொடர்பு ஏற்பட்டதால் ஹர்திக் பாண்டியா மற்றும் நடாஷா இருவருக்கும் இடையில் கருத்து வேறுபாடு ஏற்பட்டதாக சொல்லப்பட்டது.
Hardik Pandya Divorce News
கடைசியாக டி20 உலகக் கோப்பை தொடருக்காக ஹர்திக் பாண்டியா லண்டன் சென்று பயிற்சியை மேற்கொண்டு வருகிறார். சில நாட்களுக்கு பிறகு அமெரிக்கா செல்ல இருப்பதாக தகவல் வெளியானது. கடந்த சில தினங்களுக்கு முன்பு ஹர்திக் பாண்டியாவின் குழந்தை அகஸ்தியா உடன் சகோதரரான குர்ணல் பாண்டியா இருப்பது போன்ற வீடியோ வெளியாகியிருந்தது என்பது குறிப்பிடத்தக்கது.