காபிக்கு பதில் இந்த ஆரோக்கிய உணவுகளை சாப்பிடுங்க.. அப்புறம் பாருங்க வித்தியாசத்தை..

காலை எழுந்த உடன் பெரும்பாலான மக்கள் குடிக்கும் பிரபலமான பானம் தான் காபி.. காலையில் காபி குடிப்பதால் உடல் ஆற்றல் அதிகரிக்கும் என்று நம்பப்படுகிறது. இன்னும் சொல்லப்போனால் காலையில் ஒரு காபி குடித்தால் அன்றைய நாள் சிறப்பாக தொடங்கும் என்பது பலரின் நம்பிக்கையாக உள்ளது. எனவே காலை காபி குடிக்கவில்லை எனில் தங்கள் அன்றாட வேலைகளை செய்யவே பலர் சிரமப்படுகின்றனர்.

காபியில் உள்ள காஃபின் உடலுக்கு தேவையான சுறுசுறுப்பை வழங்கும் என்றாலும், அதிகளவில் காபி குடிப்பது அல்லது காபிக்கு அடிமையாக இருப்பது ஆகியவை உங்கள் ஆரோக்கியத்தைப் பாதிக்கலாம். எனவே, நீங்கள் இன்னும் சிறந்த ஆற்றலுக்கு காஃபினை நம்பியிருந்தால், அதற்கு மாற்றான சில ஆரோக்கியமான விருப்பங்கள் உள்ளன. அவை என்னென்ன என்று இந்த பதிவில் பார்க்கலாம்.

நட்ஸ் மற்றும் விதைகள்

நட்ஸ் மற்றும் விதைகள் பசி மற்றும் சோர்வு இரண்டையும் வெல்ல உதவும். மேலும், தேர்வு செய்ய ஏராளமான விருப்பங்கள் உள்ளன. ஒரு சில நட்ஸ் மற்றும் விதைகள் உங்களை நீண்ட நேரம் முழுமையுடனும் ஆற்றலுடனும் வைத்திருக்கும். 

வாழைப்பழங்கள்

வாழைப்பழங்கள் தேவைப்படும் போதெல்லாம் உங்களுக்கு நீடித்த ஆற்றலை வழங்க முடியும். வாழைப்பழத்தில் பொட்டாசியம், நார்ச்சத்து, அத்தியாவசிய வைட்டமின்கள் மற்றும் கார்போஹைட்ரேட்டுகள் நிரம்பியுள்ளன. இந்த ஊட்டச்சத்துக்கள் உங்களுக்கு இயற்கையான ஆற்றலை அதிக அளவில் அளிக்கும்.

ஓட்ஸ்

ஓட்ஸ் பொதுவாக காலை உணவாக உட்கொள்ளப்படுகிறது. பழங்களுடன் சேர்த்து ஓட்ஸை சாப்பிடுவதன் மூலம் நார்ச்சத்து மற்றும் பல அத்தியாவசிய ஊட்டச்சத்துக்கள் கிடைக்கும். இது உங்களுக்கு உகந்த ஆற்றலைக் கொடுக்கும் மற்றும் இரத்தத்தில் சர்க்கரையின் அதிகரிப்பைத் தடுக்கும்.

தண்ணீர்

உங்கள் உடல் சரியாக செயல்பட தண்ணீர் அவசியம். நீரிழப்பு காரணமாக கூட சோர்வு மற்றும் சோம்பல் ஏற்படலாம். எனவே நாள் முழுவதும் போதுமான அளவு தண்ணீர் குடிப்பது பெரிய மாற்றத்தை ஏற்படுத்தும். இது உங்களை சுறுசுறுப்பாகவும் ஆற்றலுடனும் உணர உதவும்.

முட்டை

புரதம், வைட்டமின்கள் மற்றும் தாதுக்கள் ஆகியவை முட்டையில் நிறைந்துள்ளன. முட்டைகளை உண்பதால் நிலையான ஆற்றல் கிடைக்கும். முட்டைகள் உங்களை நீண்ட நேரம் நிறைவாக வைத்திருக்கும் மற்றும் எடை இழப்பை ஊக்குவிக்கும்.

இந்த உணவுகளை உங்கள் உணவில் சேர்த்துக்கொள்வதன் மூலம் நல்ல வித்தியாசத்தை பார்க்க முடியும்.. எனினும் உங்களுக்கு மேலும் காபியின் தேவையை உணர்ந்தால், அதை மிதமான அளவில் எடுத்துக்கொள்ள வேண்டும் என்பதை  நினைவில் கொள்ளுங்கள். குறைந்த அளவில் காஃபின் உட்கொள்வது நல்லது.