ஸ்கூல் பையனாக மாறிய SK... கமல் படத்திற்காக மீண்டும் ரெமோ லுக்கில் சிவகார்த்திகேயன் - வைரலாகும் போட்டோஸ்

விஜய் டிவியில் மிமிக்ரி கலைஞராக நுழைந்து பின்னர் தன்னுடைய திறமையால் படிப்படியாக முன்னேறி தொகுப்பாளரான சிவகார்த்திகேயன். அதன்மூலம் கிடைத்த புகழ் வெளிச்சத்தை பயன்படுத்தி தமிழ் சினிமாவில் நடிகராக காலடி எடுத்து வைத்தார். இவரை தன் படத்தின் மூலம் காமெடியனாக அறிமுகப்படுத்திய தனுஷ், பின்னர் அவரையே ஹீரோவாக வைத்து எதிர்நீச்சல் என்கிற படத்தையும் தயாரித்து ஒரு திருப்புமுனையை ஏற்படுத்தினார்.

இதையடுத்து மக்களின் பல்ஸை புரிந்துகொண்ட சிவகார்த்திகேயன், அடுத்தடுத்த படங்களில் தன்னுடைய நடிப்புத்திறமையை வெளிப்படுத்தி அசத்தியதோடு, பத்து ஆண்டுகளில் முன்னணி நடிகராக உயர்ந்து அசத்தினார். தற்போது விஜய், அஜித், ரஜினி, கமல் போன்ற டாப் ஹீரோக்களுக்கு அடுத்தபடியாக சிவகார்த்திகேயன் படத்திற்கும் பிசினஸ் நடக்கிறது. அந்த அளவுக்கு மக்களின் மனம் கவர்ந்த நாயகனாக உருவெடுத்துள்ளார் சிவா.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

இவர் நடிப்பில் தற்போது எஸ்.கே.21 திரைப்படம் உருவாகி வருகிறது. இப்படத்தை நடிகர் கமல்ஹாசனின் ராஜ்கமல் பிலிம்ஸ் நிறுவனம் தயாரிக்கிறது. இப்படத்தை ராஜ்குமார் பெரியசாமி இயக்குகிறார். இதில் சிவகார்த்திகேயனுக்கு ஜோடியாக சாய் பல்லவி நடிக்கிறார். இப்படத்தின் படப்பிடிப்பு தற்போது இறுதிக்கட்டத்தை எட்டி உள்ளது. எஸ்.கே.21 படத்தில் நடிகர் சிவகார்த்திகேயன் இராணுவ வீரர் கதாபாத்திரத்தில் நடித்து இருக்கிறார்.

இந்த நிலையில் எஸ்.கே.21 படத்திற்காக தற்போது புது லுக்கிற்கு மாறி இருக்கும் சிவகார்த்திகேயன், அந்த லுக்கில் எடுத்த புகைப்படங்களையும் வெளியிட்டு உள்ளார். அதன்படி மீசை தாடி இல்லாமல் ஸ்கூல் பையன்போல் ஸ்லிம் லுக்கில் காட்சியளிக்கும் சிவகார்த்திகேயனை பார்த்த ரசிகர்கள், 7 ஆண்டுகளுக்கு முன் ரெமோ படத்தில் பார்த்தது போல் உள்ளதாக ஒப்பிட்டு வருகின்றனர். சிவகார்த்திகேயனின் இந்த நியூலுக் போட்டோஸ் இணையத்தில் வைரலாகி வருகிறது.

இதையும் படியுங்கள்... லியோ படத்துல செஞ்ச மிகப்பெரிய மிஸ்டேக் அதுதான்... இனி எந்த படத்துலையும் அதை செய்ய மாட்டேன் - லோகேஷ் கனகராஜ்