தனுஷ் ரூட்டை பாலோ பண்ணும் சிம்பு... STRன் 50வது படத்தில் செம்ம சர்ப்ரைஸ் வெயிட்டிங்

நடிகர் சிம்பு உடல் எடையை குறைத்த பின்னர் மாநாடு, வெந்து தணிந்தது காடு என அடுத்தடுத்து 2 பிளாக்பஸ்டர் ஹிட் படங்களை கொடுத்து மீண்டும் பார்முக்கு வந்துள்ளார். இவர் அடுத்ததாக தேசிங்கு பெரியசாமி இயக்கும் படத்தில் நடிக்க உள்ளார். வரலாற்று கதையம்சம் கொண்ட இப்படத்தை நடிகர் கமல்ஹாசனின் ராஜ்கமல் பிலிம்ஸ் நிறுவனம் தான் தயாராகி வருகிறது. இப்படத்தின் ஆரம்பக்கட்ட பணிகள் விறுவிறுப்பாக நடைபெற்று வருகிறது.

தற்போது துபாய் சென்றுள்ள சிம்பு அங்கு தீவிர உடற்பயிற்சி மேற்கொண்டு எஸ்.டி.ஆர் 48 படத்துக்காக வெறித்தனமாக தயாராகி வருகிறார். இப்படத்தின் படப்பிடிப்பு அடுத்த ஆண்டு தொடங்கும் என எதிர்பார்க்கப்படுகிறது. இந்த நிலையில், சிம்புவின் 50-வது படம் குறித்த ஒரு ருசீகர தகவல் ஒன்று வெளியாகி உள்ளது. அப்படத்திற்காக நடிகர் சிம்பு தற்போதிலிருந்தே சைலண்டாக வேலையை தொடங்கிவிட்டதாகவும் கூறப்படுகிறது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

அதன்படி சிம்பு தன்னுடைய 50-வது படத்தை தானே இயக்க முடிவெடுத்துள்ளாராம். கடைசியாக சிம்பு இயக்கிய திரைப்படம் வல்லவன். அப்படம் பிளாக்பஸ்டர் ஹிட் ஆன பின்னர் டைரக்‌ஷனை விட்டுவிட்டு நடிப்பில் மட்டும் கவனம் செலுத்தி வந்த சிம்பு, தன்னுடைய 50-வது படத்தின் மூலம் மீண்டும் இயக்குனராக களமிறங்கி உள்ளார். தற்போது எஸ்.டி.ஆர்.48 படத்துக்காக துபாயில் தயாராகிக் கொண்டிருக்கும் சிம்பு, ஓய்வு கிடைக்கும் நேரங்களில் தனது 50-வது பட வேலைகளையும் செய்து வருகிறாராம்.

இந்த தகவல் சிம்பு ரசிகர்களை மகிழ்ச்சியில் ஆழ்த்தி உள்ளது. தற்போது நடிகர் தனுஷும் தனது 50-வது படத்தை தானே இயக்கி நடித்து வருகிறார். நடிகர் சிம்புவும் தனுஷின் ரூட்டையே பாலோ செய்து டைரக்‌ஷனில் களமிறங்கி உள்ள தகவல் தான் தற்போது கோலிவுட்டில் ஹாட் டாப்பிக் ஆக உள்ளது. சினிமாவில் ஹீரோவாக கம்பேக் கொடுத்ததை போல் இயக்குனராகவும் ஒரு கம்பேக் கொடுப்பாரா சிம்பு என்பதை பொறுத்திருந்து தான் பார்க்க வேண்டும்.

இதையும் படியுங்கள்... கண்களை குளமாக்கும் காட்சிகளுடன் வெளியானது கீர்த்தி பாண்டியனின் ‘கண்ணகி’ பட டிரைலர்