நீங்கள் பாதுகாப்பற்ற வாழ்க்கைத் துணையுடன் வாழ்கிறீர்கள் என்பதை குறிக்கும் அறிகுறிகள் இவைதான்..

உறவுகளில், ஆரோக்கியமான மற்றும் நிறைவான கூட்டாண்மையை வளர்ப்பதற்கு பாதுகாப்பான உணர்வு அவசியமானதாகக் கருதப்படுகிறது. இருப்பினும், ஒருவரின் வாழ்க்கைத் துணை பாதுகாப்பின்மையுடன் சிக்கினால், அது சம்பந்தப்பட்ட இரு நபர்களையும் பாதிக்கும், மேலும் உறவில் பல சவால்களை ஏற்படுத்தலாம். எனவே உங்கள் துணை பாதுகாப்புமின்மையை உணர்கிறார் என்பதை தெரிந்துகொள்ள சில அறிகுறிகள் இருக்கின்றன. இதுகுறித்து விரிவாக பார்க்கலாம். பாதுகாப்பின்மையின். இந்த அறிகுறிகளை தெரிந்து கொள்வது உணர்ச்சி நல்வாழ்வைப் பாதுகாப்பதற்கும் உறவில் உள்ள அடிப்படை சிக்கல்களைச் சமாளிப்பதற்கும் மிக முக்கியமானது.

ஒரு துணையின் பாதுகாப்பின்மையின் மிகவும் பொதுவான அறிகுறி அதிகப்படியான பொறாமை ஆகும்.. நீங்கள் மற்றவர்களுடன் பேசுவது குறித்து உங்கள் துணை பல சந்தேகங்களை எழுப்பலாம். நியாயமற்ற சந்தேகத்தை வெளிப்படுத்தலாம். இத்தகைய நடத்தை உறவுக்குள் சிக்கலை ஏற்படுத்துவதுடன் விரிசலுக்கு வழிவகுக்கலாம்.

பாதுகாப்பற்ற துணை பெரும்பாலும் தங்கள் சுய மதிப்பை உறுதி செய்ய வெளிப்புற சரிபார்ப்பை விரும்புகிறார்கள். அதாவது மற்றசர்கள் தங்களை இடைவிடாமல் பாராட்ட வேண்டும் என்றும் கவனம் செலுத்த வேண்டும் என்றும் விரும்பலாம். மேலும் ன் கவர்ச்சி அல்லது சாதனைகளை உறுதிப்படுத்திக் கொள்ளலாம். தங்களை அங்கீகரிக்க வேண்டும் என்ற இந்த தணியாத தாகம் உறவை சீர்குலைத்து, உணர்ச்சி ரீதியான விரிசலை ஏற்படுத்தும்.

ஆழ்ந்த பாதுகாப்பற்ற தன்மையைக் கொண்ட தனிநபர்கள், தாங்கள் கைவிடப்படுவோமோ அல்லது தனித்துவிடப்படுவோமோ என்ற பயத்தை வெளிப்படுத்தலாம், இதன் விளைவாக தங்கள் துணையை அதிகமாகச் சார்ந்திருக்க நேரிடும். தாங்கள் கைவிடப்படுவோம் அல்லது புறக்கணிக்கப்படுவோம் என்ற அச்சத்தை வெளிப்படுத்தலாம்.

பாதுகாப்பின்மை கொண்ட நபர் தங்கள் துணையின் நடத்தைகளை கட்டுப்படுத்தலாம். மேலும் உறவில் தனது ஆதிக்கத்தை நிலைநிறுத்த முயற்சிக்கலாம்.உங்கள் செயல்பாடுகளை கண்காணிக்கலாம், உங்கள் சமூக தொடர்புகளை அல்லது நண்பர்கள் மற்றும் குடும்பத்தினரிடமிருந்து உங்களை தனிமைப்படுத்த முயற்சி செய்யலாம்.

பாதுகாப்பற்ற நபர்கள் பெரும்பாலும் பலவீனமான சுயமரியாதையைக் கொண்டுள்ளனர். எனவே ஆக்கபூர்வமான விமர்சனங்களுக்கு கடுமையாக எதிர்வினையாற்றலாம். அவர்கள் கருத்துக்களை தனிப்பட்ட அவமானமாக உணரலாம் அதற்கு தற்காப்பு அல்லது விரோதத்துடன் பதிலளிக்கலாம், உறவு சிக்கல்களின் வெளிப்படையான தீர்வுக்கு ஒருபோதும் முயற்சி செய்யமாட்டார்கள்

எந்தவொரு ஆரோக்கியமான உறவின் அடிப்படையே நம்பிக்கை தான். ஆனால் பாதுகாப்பின்மை அவநம்பிக்கையை வளர்க்கும். தங்கள் துணையை மட்டுமின்றி அவர்களின் நோக்கங்கள் அல்லது விசுவாசத்தை சந்தேகிக்கலாம், இது உறவில் வெறுப்பு மற்றும் விரக்தியின் உணர்வுகளை வளர்க்கலாம்.

பாதுகாப்பற்ற நபர்கள் ஒழுங்கற்ற மனநிலையுடன் இருப்பார்கள், குறிப்பாக அவர்களின் பாதுகாப்பின்மையால் தூண்டப்படும் போது. இத்தகைய ஏற்ற இறக்கம் ஒரு நிலையற்ற சூழலை வளர்க்கலாம், இது உறவில் உள்ள மோதல்களுக்கு தீர்வு காண்பதிலும் அல்லது கருத்து வேறுபாடுகளை சிக்கலாக்கும்.

பாதுகாப்பின்மையுடன் போராடும் நபர்கள், உறவின் வெற்றி மற்றும் ஸ்திரத்தன்மைக்கு ஆபத்தை விளைவிக்கும் நடத்தையில் ஈடுபடலாம். இந்த நடத்தை காரணமாக தனிப்பட்ட அல்லது தொழில்முறை வளர்ச்சி வாய்ப்புகளை அழிப்பது, சமூக ஈடுபாடுகளில் இருந்து விலகுவது அல்லது ஆபத்தான பழக்கங்களைத் தழுவுவது போன்ற செயல்களில் ஈடுபடலாம்.