ஹாட்ரிக் HIT-ஐ நோக்கி ஷாருக்.. ஹாட்ரிக் FLOPல் இருந்து மீள்வாரா பிரபாஸ்? கிறிஸ்துமஸ் ரிலீஸ் படங்கள் ஒரு பார்வை
கிறிஸ்துமஸ் பண்டிகையையொட்டி இந்த ஆண்டு தியேட்டர் மற்றும் ஓடிடியில் ரிலீஸாகும் திரைப்படங்கள் என்னென்ன என்பதை இந்த தொகுப்பில் பார்க்கலாம்.
Christmas special movies
2023-ம் ஆண்டு முடிவடைய இன்னும் பத்து நாட்களே உள்ளது. இந்த வாரம் கிறிஸ்துமஸ் பண்டிகை வருவதால் புதுப்படங்களும் போட்டிபோட்டு ரிலீஸ் ஆக உள்ளன. குறிப்பாக பான் இந்தியா நடிகர்கள் இந்த கிறிஸ்துமஸ் ரேஸில் ஆதிக்கம் செலுத்த உள்ளனர். இந்த நிலையில் இந்த கிறிஸ்துமஸ் பண்டிகையை ஒட்டி வருகிற டிசம்பர் 21 மற்றும் 22 ஆகிய தேதிகளில் தியேட்டர் மற்றும் ஓடிடியில் ரிலீசாக உள்ள படங்கள் பற்றி இந்த தொகுப்பில் பார்க்கலாம்.
சலார்
பிரபாஸ் நடிப்பில் பிரம்மாண்டமாக உருவாகி உள்ள திரைப்படம் தான் சலார். இப்படத்தை பிரசாந்த் நீல் இயக்கி உள்ளார். இதில் பிரபாஸ் உடன் பிருத்விராஜ், சுருதிஹாசன், ஷ்ரேயா ரெட்டி என மிகப்பெரிய நட்சத்திர பட்டாளமே நடித்துள்ளது. இப்படம் உலகமெங்கும் வருகிற டிசம்பர் 22-ந் தேதி வெளியாக உள்ளது. பிரபாஸ் நடிப்பில் கடைசியாக வெளிவந்த மூன்று திரைப்படங்களும் படுதோல்வியை சந்தித்ததால் இப்படத்தின் மூலம் கம்பேக் கொடுப்பாரா என்பதை பொறுத்திருந்து பார்க்கலாம்.
டங்கி
ஷாருக்கானுக்கு இந்த ஆண்டு தொட்டதெல்லாம் தங்கமாகி வருகிறது. இந்த வருடம் அவர் நடிப்பில் பதான், ஜவான் என இரண்டு திரைப்படங்கள் இதுவரை ரிலீஸ் ஆகி உள்ளன. இந்த இரண்டுமே பாக்ஸ் ஆபிஸில் வேறலெவல் சம்பவம் செய்து ரூ.1000 கோடிக்கு மேல் வசூலையும் வாரிக்குவித்தது. இந்த நிலையில், ஹாட்ரிக் ஹிட் கொடுக்கும் முனைப்பில் அவர் நடிப்பில் இந்த ஆண்டு மூன்றாவது படமாக டங்கி ரிலீஸ் ஆக உள்ளது. ராஜ்குமார் ஹிரானி இயக்கியுள்ளதால் இப்படமும் பிரம்மாண்ட வெற்றிப்படமாக அமையும் என எதிர்பார்க்கப்படுகிறது.
சபா நாயகன்
கிறிஸ்துமஸ் ரேஸில் இரண்டு பான் இந்தியா ஸ்டார்ஸுக்கு போட்டியாக அசோக் செல்வனின் சபா நாயகன் திரைப்படமும் ரிலீஸ் ஆக உள்ளது. இப்படம் டிசம்பர் 22-ந் தேதி திரைக்கு வர உள்ளது. இப்படத்தை சிஎஸ் கார்த்திகேயன் இயக்கி உள்ளார். இப்படத்தில் அசோக் செல்வனுக்கு ஜோடியாக மேகா ஆகாஷ், சாந்தினி, கார்த்திகா ஆகியோர் நடித்துள்ளனர்.
ஓடிடி ரிலீஸ் படங்கள்
கிறிஸ்துமஸ் பண்டிகையையொட்டி ஓடிடியில் யோகிபாபு நடித்த குய்கோ திரைப்படம் ரிலீஸ் ஆக உள்ளது. இப்படத்தில் வித்தார்த்தும் முக்கிய கதாபாத்திரத்தில் நடித்துள்ளார். இப்படம் டிசம்பர் 22-ந் தேதி நெட்பிளிக்ஸில் ரிலீஸ் ஆக உள்ளது. அதேபோல் ஷிவ ராஜ்குமாரின் கன்னட படமான கோஸ்ட் படத்தின் தமிழ் பதிப்பு வருகிற டிசம்பர் 22-ந் தேதி ஆஹா ஓடிடி தளத்தில் ரிலீஸ் ஆக உள்ளது.
இதையும் படியுங்கள்...நிக்சா செம்ம டேமேஜ்..! கலாய்த்து தள்ளிய தந்தை... விஷ்ணுவுக்கு வார்னிங் கொடுத்த சகோதரி! பிக்பாஸ் அப்டேட்!
சேனலை கிளிக் செய்து பின்தொடரவும்
