ரஜினி.. நெல்சன்.. அனிரூத்.. இதோட லிஸ்ட் முடியல.. ஒட்டுமொத்த படக்குழுவிற்கும் சர்ப்ரைஸ் கொடுத்த சன் பிக்சர்ஸ்!

பிரபல சன் பிக்சர்ஸ் நிறுவனத்தின் தயாரிப்பில், இயக்குனர் நெல்சன் திலீப்குமார் இயக்கத்தில் சூப்பர் ஸ்டார் ரஜினிகாந்த் நடிப்பில் வெளியான ஜெயிலர் திரைப்படம் வெளியாகி இன்றோடு ஒரு மாத காலம் முடிவடைந்துள்ளது.

Kalanithi Maran

உலக அளவில் சுமார் 600 கோடி ரூபாய் வசூல் செய்துள்ள ஜெயிலர் திரைப்படம், மாபெரும் வெற்றியை கண்டுள்ள நிலையில் கடந்த சில நாட்களாகவே இந்த படத்தின் தயாரிப்பு நிறுவனமான சன் பிக்சர்ஸ் நிறுவனம் அதை வேற லெவலில் கொண்டாடி வருகிறது. அதன் ஒரு பகுதியாக இந்த கதையின் நாயகன் சூப்பர் ஸ்டார் ரஜினிகாந்த் அவர்களுக்கு சம்பளத்தை தாண்டி, ஒரு குறிப்பிட்ட தொகையையும் சொகுசு கார் ஒன்றையும் வழங்கி சிறப்பித்தது.

Nelson Dilipkumar

அதேபோல இந்த படத்தின் இயக்குனர் நெல்சன் திலீப் குமார் அவர்களுக்கும், சம்பளத்தை தாண்டி ஒரு தொகையை வழங்கி, Porsche Macan கார் ஒன்றையும் அவருக்கு பரிசளித்தார் சன் பிக்சர்ஸ் நிறுவனத்தின் கலாநிதி மாறன் அவர்கள்.

Anirudh

இதனை அடுத்து இந்த படத்திற்கு கூடுதல் மெருகேற்றிய இசையமைப்பாளர் அனிருத் அவர்களுக்கும் சம்பளத்தை தாண்டி கூடுதலாக ஒரு தொகையை அன்பு பரிசாக வழங்கி, அவருக்கும் Porsche கார் ஒன்றை வழங்கி சிறப்பித்தார் படத்தின் தயாரிப்பாளர் கலாநிதி மாறன்.

Gold Coin Jailer Success

மேலும் இந்த வெற்றி கொண்டாட்டங்கள் நடிகர், இயக்குனர், இசையமைப்பாளர் என்கின்ற ஒரு குறுகிய வட்டத்தோடு நிறுத்தப்படாமல், பட குழுவினர் அனைவருக்கும் ஜெயிலர் பட தயாரிப்பு நிறுவனத்தின் சார்பில் தங்க காசுகள் தற்போது வழங்கப்பட்டுள்ளது. ஜெயிலர் என்ற படத்தின் பெயர் பொறிக்கப்பட்ட தங்க காசுகள் படக்குழுவினருக்கு வழங்கப்பட்டுள்ளது. 

இந்த தங்க காசு வழங்கும் நிகழ்வு ஜெயிலர் படத்தின் வெற்றி விழா கொண்டாட்டத்தின் போது வழங்கப்பட்டுள்ளது. வருகின்ற விநாயகர்ச்சதுர்த்தி தினத்தன்று இந்த நிகழ்ச்சி ஒளிபரப்பாகவுள்ளதும் குறிப்பிடத்தக்கது.