Patch Work பண்ணி ஏமாத்திட்டாங்க... ரூ.160 கோடி கொடுத்து வாங்கிய வீட்டில் இருந்து வெளியேறிய பிரியங்கா சோப்ரா

நடிகர் விஜய் நடிப்பில் வெளிவந்த தமிழன் படம் மூலம் ஹீரோயினாக அறிமுகமானவர் பிரியங்கா சோப்ரா. இப்படத்துக்கு பின் பாலிவுட்டுக்கு சென்ற அவருக்கு அடுத்தடுத்து பட வாய்ப்புகள் குவிந்ததால் அங்கேயே செட்டில் ஆனார். அதன்பின் கோலிவுட் பக்கம் தலைகாட்டாத பிரியங்கா சோப்ரா ஒரு கட்டத்தில் பாலிவுட்டுக்கும் டாட்டா காட்டிவிட்டு ஹாலிவுட் படங்களில் நடிக்க சென்றுவிட்டார். தற்போது ஹாலிவுட் நாயகியாக வலம் வருகிறார் பிரியங்கா.

ஹாலிவுட் படங்களில் நடிப்பதற்காக அமெரிக்காவில் செட்டில் ஆன பிரியங்கா, நிக் ஜோனஸ் என்கிற பாடகரை காதலித்து கரம்பிடித்தார். இந்த ஜோடிக்கு ஒரு பெண் குழந்தையும் உள்ளது. நடிகை பிரியங்கா சோப்ராவை விட நிக் ஜோனஸ் 10 வயது இளையவர் ஆவார். தற்போது தன் காதல் கணவருடன் அமெரிக்காவில் வசித்து வரும் பிரியங்கா, கடந்த 2019-ம் ஆண்டு லாஸ் ஏஞ்சல்ஸில் ரூ.160 கோடி மதிப்புள்ள ஆடம்பர வீட்டை சொந்தமாக வாங்கினார்.

இதையும் படியுங்கள்... வாவ்... செம்ம கியூட் பிரியங்கா சோப்ரா - நிக் ஜோனாஸ் மகளின் பிறந்தநாள் கொண்டாட்ட புகைப்படங்கள்!

அந்த வீட்டில் 9 படுக்கையறை, 9 பாத்ரூம், உடற்பயிற்சி கூடம், ஸ்பா செண்டர், நீச்சல் குளம், தியேட்டர், விளையாட்டுக்கூடம் என சகல வசதிகளும் நிரம்பி இருந்தன. சுமார் 4 ஆண்டுகளாக அந்த வீட்டில் வசித்து வந்த பிரியங்கா சோப்ரா தற்போது அங்கிருந்து வெளியேறி இருப்பதாக தகவல்கள் தெரிவிக்கின்றன. அந்த வீட்டில் கட்டுமான பணிகள் முறையாக செய்யப்படாததால் ஆங்காங்கே நீர்க் கசிவு ஏற்பட்டு வீட்டின் பெரும்பாலான பகுதிகளில் பூஞ்சைகளால் பாதிப்பு ஏற்பட்டு உள்ளதாம்.

அதனால் உடல்நல பாதிப்பு ஏற்படும் என்பதைக் கருத்தில் கொண்டு அங்கிருந்து குடும்பத்துடன் வெளியேறி இருக்கிறார் பிரியங்கா. தன்னிடம் அந்த வீட்டை ரூ.160 கோடிக்கு விற்ற கட்டுமான நிறுவனம் மீது வழக்கும் தொடர்ந்துள்ளாராம் பிரியங்கா. மாவீரன் பட காமெடி போல் Patch Work பண்ணி ஏமாற்றிய அந்த நிறுவனத்திடம் இருந்து தனக்கு இழப்பீடு வழங்க வேண்டும் என்றும் பிரியங்கா சோப்ரா - நிக் ஜோனஸ் தம்பதி கேட்டிருக்கிறார்களாம்.

இதையும் படியுங்கள்... கூலா சிகரெட் பிடித்து சர்ச்சையில் சிக்கிய இந்திய Heroines - எல்லாரும் தமிழ் படங்களையும் நடிச்சிருக்காங்க!