Nimeshika: பட வாய்ப்புக்காக படுக்கைக்கு அழைத்தார்கள்! 'கண்ணான கண்ணே' சீரியல் ஹீரோயின் நிமேஷிகா ஓப்பன் டாக்!
'கண்ணான கண்ணே' சீரியலில் கதாநாயகியாக நடித்து பிரபலமான, நிமேஷிகா ராதாகிருஷ்ணன் பட வாய்ப்புக்காக தன்னை படுக்கைக்கு அழைத்த விஷயம் குறித்து முதல் முறையாக பேசி பரபரப்பை ஏற்படுத்தியுள்ளார்.
சமீப காலமாகவே சின்னத்திரை மற்றும் வெள்ளித்திரை நடிகைகள் பலர், அட்ஜஸ்ட்மென்ட் பிரச்சனை குறித்து, பேட்டிகளில் ஓப்பனாக பேசுவதை வழக்கமாக வைத்துள்ளனர். அந்த வகையில், தற்போது பிரபல நடிகை நிமேஷிகா ராதா கிருஷ்ணன் காஸ்டிங் கவுச் பிரச்சனை தனக்கும் நடந்துள்ளதாக தெரிவித்துள்ளார்.
நடிகை நிமேஷிகா ராதா கிருஷ்ணன், பிறந்து வளர்ந்தது கேரளா என்றாலும், சிறு வயதில் இருந்தே சினிமா மீது உள்ள ஈர்ப்பு காரணமாக, கோயம்புத்தூரில் ஒரு ஆங்கராக தன்னுடைய பணியை துவங்கினார். பின்னர் டிக் டாக் மூலம், பல வீடியோ வெளியிட்டு தன்னுடைய நடிப்பு திறமையை வெளிப்படுத்தி வருவதையும் வழக்கமாக வைத்திருந்தார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
இதை தொடர்ந்து, விஜய் டிவி தொலைக்காட்சியில் அசீம் ஹீரோவாக நடித்த கடைக்குட்டி சிங்கம் சீரியலில் நீலாம்பரி என்கிற கதாபாத்திரத்தில் நடிக்கும் வாய்ப்பு இவருக்கு கிடைத்தது. ஆனால் இந்த சீரியல் மூலம் இவர் பெரிதாக தமிழ் ரசிகர்கள் மத்தியில் கவனிக்கப்படவில்லை.
இதை தொடர்ந்து, சன் டிவி தொலைக்காட்சியில் பிரைம் டைமில் ஒளிபரப்பான 'கண்ணான கண்ணே' சீரியலில் கதாநாயகியாக நடித்தார். இந்த தொடர் மூலம் பட்டி தொட்டி எங்கும் பிரபலமான இவர் தற்போது மலையாளம் சீரியலில் நடித்து வருகிறார்.
சீரியல் நடிகையாக இருந்து கொண்டு, சினிமா பட வாய்ப்பையும் தேடி வரும் இவர்... சமீபத்தில் தனக்கு நடந்த காஸ்டங் கவுச் பிரச்சனை குறித்து முதல் முறையாக, பேட்டி ஒன்றில் கூறி பரபரப்பை ஏற்படுத்தியுள்ளார்.
இதுகுறித்து அவர் கூறியுள்ளதாவது, சீரியல் பக்கம் காஸ்டிங் கவுச் இருக்கிறதா என்று எனக்கு தெரியாது. ஆனால் சினிமா மற்றும் வெப் சீரிஸ் உலகில் காஸ்டிங் கவுச் உள்ளது. பட வாய்ப்புக்காக அட்ஜஸ்ட் செய்ய வேண்டும் என முதலில் கூறியபோது எனக்கு புரியவில்லை. பின்னர் இதை பற்றி உங்கள் நண்பர்களிடம் கேட்டுக்கொள்ளுங்கள் என சூசகமாக சொல்லிவிட்டார்கள்.
நான் என் நண்பர்களிடம் காஸ்டிங் கவுச் என்றால் என்ன என்பதை கேட்டு தெரிந்து கொண்டபின்னர் அந்த சந்தர்ப்பத்திற்காக நான் அப்படி செய்ய வேண்டுமா என கேட்டு அதிர்ச்சியடைந்தேன். பின்னர் அந்த வாய்ப்பே வேண்டாம் என நிராகரித்துவிட்டேன் என தெரிவித்துள்ளார்.