Pragathi: 47 வயதில்... காதலுக்கு ஓகே சொன்ன நடிகை பிரகதி! விரைவில் பிரபலத்துடன் இரண்டாவது இரண்டாவது திருமணம்!

விஜய் டிவி சீரியல் நடிகை, பிரகதி தன்னுடைய 47 வயதில்.. பிரபலம் ஒருவரின் காதலை ஏற்றுக்கொண்டு திருமணத்திற்கு ஓகே சொல்லிவிட்டதாக டோலிவுட் திரையுலகில் தீயாக ஒரு தகவல் பரவி வருகிறது. 

பிரபல இயக்குனரும், நடிகருமான, கே.பாக்யராஜ்  இயக்கி - நடித்து... கடந்த 1994- ஆம் ஆண்டு வெளியான  'வீட்ல விசேஷங்க' படத்தின் மூலம் தமிழ் சினிமாவில் அறிமுகமானவர் நடிகை பிரகதி. முதல் படத்திலேயே ரசிகர்களால் அதிகம் கவனிக்க பட்ட நடிகையாக மாறிய இவர், தமிழில் சுமார் 20க்கும் மேற்பட்ட படங்களில் நடித்துள்ளார். 

தெலுங்கு திரையுலகில்... ஹீரோயினாகவும், குணச்சித்திர நடிகையாகவும்... 100க்கும் மேற்பட்ட படங்களில் நடித்து பிரபலமான பிரகதி, ஏகப்பட்ட சீரியல்களிலும் தற்போது நடித்து வருகிறார். 

இவரின் திரையுலக வாழ்க்கை மிகவும் மகிழ்ச்சியான ஒன்றாக இருந்தாலும், இவரின் சொந்த வாழ்க்கை சோகங்கள் நிறைந்தது. 20 வயதிலேயே திருமணம் செய்து கொண்ட இவர், இரண்டு குழந்தைகள் பிறந்த பின்னர் கணவருடன் ஏற்பட்ட கருத்து வேறுபாடு காரணமாக பிரிந்தார். 

Pragathi

கணவரின் பிரிவுக்கு பின்னர், தன்னுடைய அம்மா வீட்டிற்க்கே வந்த பிரகதியின் தன்மானத்தை தூண்டிவிட்டதும் அவரின் அம்மா தான். சம்பாதிக்காமல் வீட்டில் உக்காந்து சாப்புடுற என கூறியதும் STD பூத் முதல் சில கடைகளில் வேலை செய்து வந்த இவர், எதேர்சையாக மாடலிங்கில் நுழைந்து பின்னர் நடிகையாகவும் மாறினார்.

சிறுவயதிலேயே கணவனைப் பிரிந்த பிரகதி, தன் குழந்தைகளைப் வளர்க்க பல சிரமங்களைச் சந்தித்தார். இவர் பட்ட கஷ்டங்கள் பலனாக இவரின் மகன் மற்றும் மகள் இருவருமே தற்போது நல்ல நிலையில் உள்ளனர். அதே போல் பிரகதி, தற்போது நடிப்பை தாண்டி வெயிட் லிபிட்டிங்கில் கவனம் செலுத்தி வருகிறார்.

இவரிடம் சில பேட்டிகளில் இரண்டாவது திருமணம் குறித்து எழுப்பப்பட்ட கேள்விக்கு, அதில் துளியும் ஆர்வம் இல்லை என்பதை கூறிய இவர், தற்போது இரண்டாவது திருமணத்திற்கு தயாராகி விட்டதாக தகவல் வெளியாகியுள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

டோலிவுட் திரையுலகை சேர்ந்த தயாரிப்பாளர் ஒருவர் பிரகதியிடம் தன்னுடைய காதலை வெளிப்படுத்தி, திருமண ஆசையை கூற, ஆரம்பத்தில் அதிகம் யோசித்த இவர், பின்னர் திருமணத்திற்கு ஓகே சொல்லிவிட்டதாக கூறப்படுகிறது. ஆனால் இதுகுறித்து தற்போது வரை எந்த அதிகார பூர்வ தகவல்கள் எதுவும் வெளியாகவில்லை.