குமுதா ஹாப்பி அண்ணாச்சி... டெஸ்ட் என்னோட பெஸ்ட் படம் என நெகிழ்ந்த நயன்தாரா - காரணம் என்ன?

நடிகை நயன்தாரா நடிப்பில் பிரம்மாண்டமாக உருவாகி வரும் திரைப்படம் டெஸ்ட். இப்படத்தை ஒய் நாட் ஸ்டூடியோஸ் சசிகாந்த் இயக்கி வருகிறார். இவர் இதுவரை இறுதிச்சுற்று, மண்டேலா, விக்ரம் வேதா, தமிழ்படம், காதலில் சொதப்புவது எப்படி போன்ற பிளாக்பஸ்டர் ஹிட் படங்களை தயாரித்திருந்தாலும், தற்போது டெஸ்ட் படம் மூலம் இயக்குனராக அவதாரம் எடுத்துள்ளார். இப்படத்தின் படப்பிடிப்பு இறுதிக்கட்டத்தை எட்டி உள்ளது.

டெஸ்ட் திரைப்படத்தில் நடிகை நயன்தாராவுக்கு ஜோடியாக மாதவன் நடித்துள்ளார். மேலும் நடிகர் சித்தார்த், நடிகை மீரா ஜாஸ்மின் ஆகியோர் முக்கிய கதாபாத்திரத்தில் நடித்துள்ளனர். இப்படத்தில் நடிகை நயன்தாரா, குமுதா என்கிற கதாபாத்திரத்தில் நடித்துள்ளார். நடிகை நயன்தாராவின் காட்சிகள் அனைத்தும் அண்மையில் காஞ்சிபுரத்தில் நடைபெற்ற ஷூட்டிங்கின் போது படமாக்கி முடிக்கப்பட்டு உள்ளது.

இதையும் படியுங்கள்... பிக்பாஸ் வீட்டுக்குள் கெஸ்டாக மாஸ் எண்ட்ரி கொடுத்த போட்டியாளர்கள் யார்... யார்?- பிரதீப் ஆண்டனியும் வருகிறாரா?

இந்த நிலையில், டெஸ்ட் படத்தில் குமுதாவாக பணியாற்றிய அனுபவம் குறித்து நெகிழ்ச்சி உடன் பதிவிட்டுள்ளார் நயன்தாரா. அதில், எனக்கு தேவைப்படும்போது என் வாழ்க்கைக்குள் வந்ததற்கு நன்றி குமுதா. உன்னை மிகவும் மிஸ் செய்யப்போகிறேன். இப்படி ஒரு கேரக்டரை கொடுத்த சசிகாந்துக்கு நன்றி. குமுதாவின் மிகப்பெரிய பலமாக இருந்த மாதவனுக்கும், ஊந்துகோளாக இருந்த சித்தார்த்துக்கும் நன்றி என பதிவிட்டு உள்ளார்.

இதற்கு மாதவன் போட்டுள்ள கமெண்ட்டில், குமுதாவை உலகம் காணும் வரை நீங்கள் காத்திருங்கள். யாரும் பார்த்திடாத எரிமலை போன்ற திறமைகளுடன் கூடியவள் அவள். நயன் நீங்கள் நீங்களாகவே இருப்பதற்கு நன்றி. உங்களுடன் பணியாற்றியது மிகவும் மகிழ்ச்சியாக உள்ளது என பதிவிட்டு இருந்தார். அதேபோல் நடிகர் சித்தார்த் போட்டுள்ள பதிவில், பவர்புல்லான நயனை காண தயாராகுங்கள் என பதிவிட்டு இருக்கிறார். இவர்கள் இருவருக்குமே நயன்தாரா நன்றி தெரிவித்துள்ளர்.

இதையும் படியுங்கள்... பொங்கலுக்கு ரிலீஸ் இல்லை... கடைசி நேரத்தில் வந்த புது சிக்கலால் தள்ளிப்போகும் அயலான் - அதிர்ச்சியில் ரசிகர்கள்