நயன்தாராவே புரமோஷன் செஞ்சும் வேலைக்கு ஆகல.. அன்னபூரணியை புரட்டி எடுத்த புது படங்கள் - பாக்ஸ் ஆபிஸ் நிலவரம் இதோ
நயன்தாரா நடிப்பில் டிசம்பர் 1-ந் தேதி திரைக்கு வந்த அன்னபூரணி திரைப்படம் பாக்ஸ் ஆபிஸில் மரண அடி வாங்கி உள்ளதாக தகவல்கள் தெரிவிக்கின்றன.
Nayanthara
2023-ம் ஆண்டு இன்னும் ஒரு சில வாரங்களில் முடிவடைய உள்ளதால், இந்த மாதம் ஏராளமான தமிழ் படங்கள் ரிலீஸாகி வருகின்றன. டிசம்பர் 1-ந் தேதியில் இருந்தே எக்கச்சக்கமான படங்கள் வெளிவந்த வண்ணம் உள்ளன. அந்த வகையில் நடிகை நயன்தாரா நடித்த அன்னபூரணி திரைப்படமும் டிசம்பர் 1-ந் தேதி திரைக்கு வந்தது. இப்படத்தில் சமையல் கலைஞராக நயன்தாரா நடித்திருந்தார். இப்படத்தை நிலேஷ் கிருஷ்ணா என்கிற புதுமுக இயக்குனர் இயக்கி இருந்தார்.
![article_image2](https://static-ai.asianetnews.com/images/01hfzget9qgft3ppk5yrbqe6cf/annapoorani-movie_300x171xt.jpg)
Annapoorani Movie
இப்படத்தில் நயன்தாரா உடன் சத்யராஜ், ஜெய், ரெடின் கிங்ஸ்லி, பிக்பாஸ் பூர்ணிமா என மிகப்பெரிய நட்சத்திர பட்டாளமே நடித்திருந்தது. அதுமட்டுமின்றி இது நயன்தாராவின் 75-வது படம் என்பதால் இதற்கு ரசிகர்கள் மத்தியில் மிகப்பெரிய அளவில் எதிர்பார்ப்பு இருந்தது. அந்த எதிர்பார்ப்பை ஓரளவுக்கு பூர்த்தி செய்யும் படமாகவே அன்னபூரணி அமைந்திருந்தாலும், இப்படம் பாக்ஸ் ஆபிஸில் தோல்வியை நோக்கி நகர்ந்து வருகிறது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Annapoorani movie collection
இதற்கு முக்கிய காரணம் மிக்ஜாம் புயல் தான். தமிழகத்தில் கடந்த வாரம் மிக்ஜாம் புயல் காரணமாக கனமழை கொட்டித்தீர்த்தது. இதனால் சென்னை, திருவள்ளூர், காஞ்சிபுரம், செங்கல்பட்டு ஆகிய மாவட்டங்கள் வெள்ளத்தில் சிக்கின. இதனால் திரையரங்குகளும் இயங்க முடியாத சூழல் உருவானது. இதன் காரணமாக நயன்தாராவின் அன்னபூரணி, ஹரிஷ் கல்யாணின் பார்க்கிங் ஆகிய திரைப்படங்கள் கடுமையாக பாதிக்கப்பட்டதோடு வசூலிலும் அடிவாங்கின.
conjuring kannappan
புயல் பாதிப்புக்கு பின் நிலைமை சீராக மீண்டும் தியேட்டர்கள் இயங்கத் தொடங்கியதும் புதுப்படங்கள் ரிலீஸ் ஆனதால் நயன்தாராவின் அன்னபூரணி படத்துக்கு சிக்கல் ஏற்பட்டது. இதனால் தன் படத்தை எப்படியாவது ஓடவைத்துவிட வேண்டும் என நயன்தாரா பிரத்யேகமாக பேட்டியெல்லாம் அளித்து புரமோஷன் செய்தார். அப்படி இருந்து அப்படம் பிக் அப் ஆகவில்லை. அப்படம் இரண்டு வார முடிவில் ரூ.6 கோடி மட்டுமே வசூலித்துள்ளது. அதற்கு போட்டியாக கடந்த சில தினங்களுக்கு முன்னர் ரிலீஸ் ஆன கான்ஜுரிங் கண்ணப்பன் திரைப்படம் மூன்றே நாளில் ரூ.4 கோடி வசூலித்து பாக்ஸ் ஆபிஸில் கலக்கி வருகிறது.
இதையும் படியுங்கள்... ரிலீஸ் ஆன பத்தே நாளில் ஜெயிலர் மற்றும் லியோ பட லைஃப் டைம் வசூல் சாதனையை அடிச்சு துவம்சம் செய்த அனிமல்