பல புதிய கதாபாத்திரங்கள் உள்ளனர்.. இறுதிக்கட்ட படப்பிடிப்பில் விடுதலை பாகம் 2 - வெளியான பல ருசிகர அப்டேட்ஸ்!
Viduthalai Part 2 : தமிழ் திரையுலகில் பல ஆண்டுகளாக நல்ல நகைச்சுவை நடிகராகவும், குணச்சித்திர நடிகராகவும் பயணித்து வரும் நடிகர் சூரி அவர்களை முற்றிலும் மாறுபட்ட ஒரு ஆக்சன் ஹீரோவாக பிரதிபலித்து வெற்றி கண்ட திரைப்படம் தான் வெற்றிமாறனின் விடுதலை பாகம் 1.
Actor Soori
தமிழ் சினிமாவில் இயக்குனர் வெற்றிமாறனின் படங்களுக்கு என்று ஒரு தனி ரசிகர்கள் கூட்டம் உள்ளது என்பது அனைவரும் அறிந்ததே. மிகவும் நேர்த்தியான கதைகளத்தை கையாண்டு இதுவரை தோல்வியே கண்டிராத ஒரு இயக்குனராக தமிழ் திரையுலகில் பயணித்து வருகிறார் அவர் என்பதும் பாராட்டுதலுக்கு உரியது.
Director Vetrimaaran
பொல்லாதவன் தொடங்கி ஆடுகளம், விசாரணை, வடசென்னை மற்றும் அசுரன் என்று இவர் இயக்கி வெளியிட்ட அத்தனை திரைப்படங்களும் முற்றிலும் வித்தியாசமான கதைகளத்தோடு அமைக்கப்பட்ட படங்கள். அந்த வகையில் தற்பொழுது அவருடைய இயக்கத்தில் உருவாகி வரும் விடுதலை படத்தின் இரண்டாம் பாகம் பெரிய அளவில் எதிர்பார்ப்புகளை ஏற்படுத்தி உள்ளது.
Viduthalai Part 2
விடுதலைப் படத்தின் இரண்டாம் பாக படப்பிடிப்பு இன்னும் 30 நாட்களே மீதம் உள்ளது என்கின்ற தகவல் தற்பொழுது வெளியாகி உள்ளது. மேலும் முதல் பாகத்தில் பெருமாள் வாத்தியாராக நடித்த மக்கள் செல்வன் விஜய் சேதுபதி அவர்களுடைய கதாபாத்திரம் இரண்டாம் பாகத்தில் முக்கியத்துவம் பெரும் என்றும், விஜய் சேதுபதியின் மகன், நடிகை மஞ்சு வாரியர் மற்றும் பிரபல நடிகர் பிரகாஷ்ராஜ் உள்ளிட்ட பலர் இந்த இரண்டாம் பாகத்தில் முக்கிய கதாபாத்திரத்தில் நடிப்பார்கள் என்கின்ற தகவலும் தற்பொழுது வெளியாகி உள்ளது.
Manju Warrier
1960 ஆம் ஆண்டுகளில் துவக்கத்தில் நடக்கின்ற கதைக்களம் என்பதால் டி-ஏஜிங் டெக்னாலஜி தற்பொழுது பயன்படுத்தப்பட்டு அதற்கான காட்சிகள் அமைக்கப்பட்டு வருவதாகவும், எதிர்பவரும் 2024 ஆம் ஆண்டு ஏப்ரல் அல்லது அதற்கு முன்னதாக மார்ச் மாதத்தில் இந்த திரைப்படம் திரையரங்குகளில் வெளியாகும் என்றும் எதிர்பார்க்கப்படுகிறது
சேனலை கிளிக் செய்து பின்தொடரவும்
