Malavika Mohanan: ரொம்ப மோசம்.! பிரபல நிறுவனத்தின் விமான சேவையை வெளுத்து வாங்கிய மாளவிகா மோகனன்!
நடிகை மாளவிகா மோகனன், பிரபல நிறுவனத்தின் விமான சேவை குறித்து விமர்சித்து எக்ஸ் தளத்தில் போட்டுள்ள பதிவு பரபரப்பை ஏற்படுத்தியுள்ளது.
மலையாள நடிகையான, மாளவிகா மோகனன்... தென்னிந்திய திரையுலகில் மிக குறுகிய காலத்தில் முன்னணி நடிகையாக உயர்ந்தவர். தமிழில் அறிமுகமான முதல் படத்திலேயே, சூப்பர் ஸ்டார் ரஜினிகாந்துடன் முக்கிய கதாபாத்திரத்தில் நடிக்கும் வாய்ப்பை பெட்ரா மாளவிகா மோகனன், இதை தொடர்ந்து தன்னுடைய இரண்டாவது படத்தில் தளபதி விஜய்க்கு ஜோடியாக 'மாஸ்டர்' படத்தில் நடித்தார்.
இதை தொடர்ந்து, தனுஷுக்கு ஜோடியாக மாலு நடித்த 'மாறன்' நேரடியாக ஹாட் ஸ்டார் ஓடிடி தளத்தில் வெளியாகி படு தோல்வியை சந்தித்தது. இந்த படத்தின் தோல்வியை தொடர்ந்து, முன்னணி நடிகர்கள் படங்கள் என்றாலும், எனோ தானோ என கதையை தேர்வு செய்து நடிக்காமல், கூடுதல் கவனத்துடன் படங்களை தேர்வு செய்கிறார்.
அந்த வகையில் தற்போது இவர் நடித்து முடித்துள்ள பா.ரஞ்சித்தின் தங்கலான் விரைவில் வெளியாக உள்ளது. இப்படம் விக்ரமுக்கு மட்டும் இன்றி, இப்படத்தில் நடித்துள்ள அணைத்து நடிகர்களுக்குமே மிகப்பெரிய திருப்பு முனையாக இருக்கும் என கூறப்படுகிறது.
மேலும் இவரின் கைவசம் சில தெலுங்கு மற்றும் இந்தி படங்கள் உள்ள நிலையில்... படு பிஸியான நடிகையாக வலம் வந்துகொண்டிருக்கிறார். இந்நிலையில் ஜெய்பூரில் இருந்து இண்டிகோ விமானத்தில்... பயணம் செய்த போது, ஏற்பட்ட மோசமான அனுபவம் குறித்து பகிர்ந்துள்ளார்.
IndiGo6E ஜெய்ப்பூர் விமான விமானத்தில் தொழிலாளர்கள் மிகவும் ரூடாக நடந்து கொண்டதாகவும், அதன் சேவையும் மிகவும் மோசமாக இருந்ததாக கூறியுள்ளார். மாளவிகா மோகனின் இந்த பதிவு தற்போது சமூக வலைத்தளத்தில் பரபரப்பை ஏற்படுத்தியுள்ளது. மேலும் பலர் இந்த விமான சேவை மிகவும் மோசமாக உள்ளதாக தங்களின் அனுபவத்தையும் பகிர்ந்து வருகின்றனர்.
சேனலை கிளிக் செய்து பின்தொடரவும்
