விஜய் அண்ணாவால் நிறைய நல்ல படங்களை மிஸ் பண்ணி இருக்கிறேன்... லால் சலாம் நாயகன் விக்ராந்த் ஓபன் டாக்
லால் சலாம் படத்தில் கதையின் நாயகனாக நடித்துள்ள விக்ராந்த், தன்னுடைய சகோதரர் விஜய் பற்றி பேட்டி ஒன்றில் மனம்விட்டு பேசி இருக்கிறார்.
vikranth
நடிகர் விஜய்யின் உறவினரான விக்ராந்த், ஆர்.வி உதயகுமார் இயக்கத்தில் கடந்த 2005-ம் ஆண்டு வெளிவந்த கற்க கசடற என்கிற திரைப்படத்தின் மூலம் நடிகராக அறிமுகமானார். விஜய்யின் தம்பியாக அறியப்பட்ட விக்ராந்த், தனக்கென ஒரு தனி இடத்தை பிடிக்க மிகவும் கஷ்டப்பட்டார். ஆரம்ப காலகட்டத்தில் இவர் நடித்த படங்கள் வரிசையாக தோல்வியை தழுவின. இதையடுத்து சைடு ரோலில் நடிக்க தொடங்கினார் விக்ராந்த். பாண்டியநாடு, கவண் போன்ற படங்களில் ஹீரோ உடன் பயணிக்கும் கதாபாத்திரங்களில் தோன்றினார்.
Lal Salaam vikranth
இருப்பினும் விக்ராந்திற்கான அங்கீகாரம் என்பது கிடைக்காமலே இருந்து வந்தது. இதையடுத்து ஆக்ஷன் கிங் அர்ஜுன் தொகுத்து வழங்கிய சர்வைவர் என்கிற கேம் ஷோவில் கலந்துகொண்டார். அந்நிகழ்ச்சி முடிந்த கையோடு விக்ராந்துக்கு கிடைத்த ஜாக்பாட் வாய்ப்பு தான் லால் சலாம் திரைப்படம். ரஜினியின் மகள் ஐஸ்வர்யா ரஜினிகாந்த் இயக்கியுள்ள இப்படத்தில் கதையின் நாயகனாக நடித்துள்ளார் விக்ராந்த். இப்படத்தில் சூப்பர்ஸ்டார் ரஜினிகாந்தும் கேமியோ ரோலில் நடித்திருக்கிறார்.
இதையும் படியுங்கள்.... தமிழ்நாடு கிரிக்கெட் அணியில் தேர்வாகியுள்ள தளபதி விஜய்யின் தம்பி விக்ராந்தின் மகன்! குவியும் வாழ்த்து!
Vijay, Vikranth
லால் சலாம் திரைப்படம் வருகிற பிப்ரவரி 4-ந் தேதி திரைக்கு வர உள்ளது. இந்த நிலையில், இதன் புரமோஷனுக்காக அளித்த பேட்டியில் தான் தன்னுடைய அண்ணன் விஜய்யால் தான் மிஸ் பண்ணிய பட வாய்ப்புகள் பற்றி பேசி இருக்கிறார் விக்ராந்த். இதுபற்றி அவர் பேசியதாவது : “இப்போ ஒரு 5, 6 வருஷமா தான் என்னிடம் கதை சொல்ல யார் வந்தாலும் விஜய் அண்ணா பற்றி கேட்காமல் இருக்கிறார்கள். நான் விஜய் என்கிற பெரிய நடிகரோட தம்பி என்பதனால், எல்லோருடைய போக்கஸும் அங்கு தான் இருக்கிறது.
Vikranth about Thalapathy vijay
முன்பெல்லாம் என்கிட்ட கதை சொல்ல வரும்போதே, விஜய் சார ஒரு ரோல்ல நடிக்க சொல்லுங்க, அவரை டுவிட் பண்ண சொல்லுங்க, விஜய்யை ஒரு பாட்டுல தலைய காட்டிட்டு போக சொல்லுங்க. உங்க படத்தோடு ஆடியோ லாஞ்சுக்கு விஜய்யை கூட்டிட்டு வாங்க என இந்த மாதிரி நிறைய பேர் கேட்ருக்காங்க. இதற்கு நான் மறுத்ததாலேயே மிஸ் ஆன படங்கள் ஏராளம். அதுல பல நல்ல படங்களும் உள்ளன. பர்சனலா அண்ணா எனக்கு நிறைய உதவி பண்ணிருக்காரு. ஆனால் சினிமா சம்பந்தமா நான் அவர்கிட்ட எந்த உதவியும் கேட்க மாட்டேன்” என விக்ராந்த் கூறி உள்ளார்.
இதையும் படியுங்கள்.... முன்னாள் அமைச்சர் S. P. வேலுமணி துவக்கிவைத்த விக்ராந்த் - யோகிபாபு நடிக்கும் திரைப்படம்!
சேனலை கிளிக் செய்து பின்தொடரவும்
