சந்திரமுகி 2 தோல்விக்கு பின்... பிக்பாஸ் டைட்டில் வின்னருக்கு ஜோடியாக நடிக்க கமிட் ஆன லட்சுமி மேனன்!
சந்திரமுகி 2 படத்தின் தோல்விக்கு பின்னர் நடிகை லட்சுமி மேனன் ஹீரோயினாக நடிக்க கமிட் ஆகி இருக்கும் புதிய தமிழ் படம் குறித்த அறிவிப்பு வெளியாகி இருக்கிறது.
lakshmi menon
பிரபு சாலமன் இயக்கிய கும்கி படம் மூலம் கோலிவுட்டில் ஹீரோயினாக அறிமுகமானவர் லட்சுமி மேனன். இப்படத்தில் விக்ரம் பிரபுவுக்கு ஜோடியாக நடித்த அவர், அடுத்ததாக சசிகுமாரின் சுந்தரபாண்டியன் படத்தில் கதாநாயகியாக நடித்தார். இப்படமும் ஹிட் ஆனதை தொடர்ந்து விஷால் உடன் பாண்டியநாடு, நான் சிகப்பு மனிதன் என அடுத்தடுத்து இரண்டு படங்களில் ஜோடி சேர்ந்து நடித்தார். இந்த இரண்டு படங்களும் வேறலெவல் ஹிட் ஆனது.
lakshmi menon New Movie
தொடர்ந்து கார்த்திக் சுப்புராஜின் ஜிகர்தண்டா, கார்த்தி ஜோடியாக கொம்பன், அஜித்துடன் வேதாளம், ஜெயம் ரவி ஜோடியாக மிருதன் என டாப் பார்மில் சென்று கொண்டிருந்த லட்சுமி மேனன், திடீரென ஆள் அட்ரஸே தெரியாமல் காணாமல் போனார். அவர் கல்லூரி படிப்பை முடிப்பதற்காக சினிமாவுக்கு பிரேக் விட்ட நிலையில், அதுவே அவர் மார்க்கெட் இழக்கவும் முக்கிய காரணமாக அமைந்தது. பின்னர் புலிக்குத்தி பாண்டி படம் மூலம் ரீ-எண்ட்ரி கொடுத்தார்.
இதையும் படியுங்கள்... அறிவழகன் இயக்கத்தில் ஆதி நடித்து வந்த 'சப்தம்' படத்தின் படப்பிடிப்பு நிறைவு!!
lakshmi menon New Movie Pooja
இதையடுத்து வாசு இயக்கிய சந்திரமுகி படத்தின் இரண்டாம் பாகத்தில் நடித்தார் லட்சுமி மேனன். கடந்த ஆண்டு வெளியான இப்படம் படுதோல்வியை சந்தித்தது. இதனால் முன்னணி நடிகர்களின் பட வாய்ப்புகள் எதுவும் எதிர்பார்த்த அளவு கிடைக்காமல் தவித்து வந்த லட்சுமி மேனன் தற்போது புதுப்படம் ஒன்றில் நடிக்க கமிட் ஆகி உள்ளார். அப்படத்தில் பிக்பாஸ் நிகழ்ச்சியின் 4-வது சீசனில் டைட்டில் வின்னராக தேர்ந்தெடுக்கப்பட்ட ஆரி அர்ஜுனனுக்கு ஜோடியாக நடிக்கிறார்.
Lakshmi Menon pair up with Aari Arjunan
பெயரிடப்படாத இப்படம் உண்மை சம்பவத்தை மையமாக வைத்து உருவாக உள்ளதாம். இப்படத்தை ராஜசேகர பாண்டியன் என்பவர் இயக்க உள்ளார். இப்படத்தின் படப்பிடிப்பு மதுரையில் தொடங்கி உள்ளது. இப்படத்தில் பிளாக் பாண்டி, ஜெயிலர் தன்ராஜ், வையாபுரி, மைம் கோபி, கனிமொழி என மிகப்பெரிய நட்சத்திர பட்டாளமே நடிக்கிறது. மெட்ராஸ் டெக் நிறுவனம் தயாரிக்கும் இப்படத்தில் மூட நம்பிக்கைக்கு எதிரான கருத்துக்களும் இடம்பெறும் என கூறப்படுகிறது.
இதையும் படியுங்கள்... கமல் தயாரிப்பு... ஸ்ருதிஹாசன் டைரக்ஷனில் நடிக்கும் லோகேஷ் கனகராஜ்! காதலர் தினத்தன்று காத்திருக்கும் சர்ப்ரைஸ்