KT Raghavan: மீண்டும் அரசியலில் ரீஎன்ட்ரி கொடுக்கும் கே.டி.ராகவன்.. முக்கிய பதவியை வழங்கிய அண்ணாமலை..!
ஆபாச வீடியோ சர்ச்சையில் சிக்கிய பிறகு அரசியலில் இருந்து ஒதுங்கி இருந்த கே.டி.ராகவனுக்கு பாஜக மாநிலத்தலைவர் அண்ணாமலை முக்கிய பதவியை வழங்கியுள்ளார்.
kt raghavan
தமிழக பாஜக பொதுச் செயலாளராக இருந்து வந்தவர் கே.டி ராகவன், ஊடக விவாதங்களில் பங்கேற்று, மோடி அரசின் திட்டங்களை எடுத்துக் கூறுவதுடன், பாஜகவின் கருத்துக்களை மக்களுக்கு எடுத்துரைத்து வந்தார். அண்ணாமலையின் தீவிர ஆதரவாளராகவும் அறியப்பட்டவர்.
![article_image2](https://static-ai.asianetnews.com/images/01gw8js1b9cwbjev9na4fqkt9g/kt-raghavan_300x169xt.jpg)
இந்நிலையில், கடந்த 2021ம் ஆண்டு ஆபாச வீடியோவில் சர்ச்சையில் சிக்கியதை அடுத்து கட்சியின் அனைத்து பொறுப்புகளில் இருந்து அதிரடியாக விலகினார். இதனால், எந்த ஒரு அரசியல் நிகழ்வுகளிலும் பங்கேற்காமல் ஒதுங்கியே இருந்தும், வெளியே தலை காட்டம் இருந்து வந்தார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
பின்னர் கே.டி.ராகவன் உடல்நிலை பாதிக்கப்பட்டு அப்பல்லோ மருத்துவமனையில் சிகிச்சை பெற்று வந்த போது அண்ணாமலை உள்ளிட்டோர் நேரில் சென்று நலம் விசாரித்தனர். கே.டி.ராகவன் நடத்திய புதுமனை புகுவிழாவுக்கும் பாஜக தலைவர்கள் நேரில் சென்று வாழ்த்தினர். அப்படி இருந்த போதிலும் அரசியல் நேரடியாக ஈடுபடாமல் இருந்து வந்தார்.
இதையும் படிங்க;- Tamilnadu BJP: நாடாளுமன்ற தேர்தல்.. திமுக, அதிமுகவை முந்திய பாஜக.. அண்ணாமலை அதிரடி..!
இந்நிலையில் நாடாளுமன்ற தேர்தல் நெருங்கி வரும் நிலையில் 39 மக்களவைத் தொகுதிக்கான பொறுப்பாளர்களை நியமித்து தமிழக பாஜக தலைவர் அண்ணாமலை அறிவிப்பை வெளியிட்டார். அதில், கே.டி.ராகவனுக்கு முக்கிய பதவி வழங்கப்பட்டுள்ளது. காஞ்சிபுரம் மக்களை தொகுதி பொறுப்பாளராக கே.டி.ராகவன் நியமிக்கப்பட்டுள்ளார். அரசியல் ஒதுங்கி இருந்த கே.டி.ராகவன் மீண்டும் ரீஎன்ட்ரி கொடுக்க உள்ளார்.