KGF Chapter 2: மே 6 முதல் ஓடிடியில் வெளியாகும் கே ஜி எஃப் 2 படம்...ரிலீஸ் தேதி கேட்டு குஷியான ரசிகர்கள்...

யாஷ் - பிரசாந்த் நீல் கூட்டணியில் கடந்த ஏப்ரல் 14 ம் தேதி உலகம் முழுவதும் வெளியான திரைப்படம் கே.ஜி.எஃப் 2. முதல் பாகத்தை போன்று இரண்டாம் பாகமும் செம்ம மாஸாக இருப்பதால் இப்படத்திற்கு பாசிடிவ் விமர்சனங்களை பெற்று தந்துள்ளது. 

பான் இந்தியா படமான கேஜிஎஃப் 2 திரைப்படம் தமிழ், தெலுங்கு, இந்தி, மலையாளம், கன்னடம் ஆகிய 5 மொழிகளில் பிரமாண்டமாக வெளியானது.

முழுக்க முழுக்க ஆக்ஷன் த்ரில்லராக உருவாகியுள்ள இந்த படத்தில், யாஸ்சுடன்  சேர்ந்து சஞ்சய் தத், ரவீனா டாண்டன் பிரகாஷ் ராஜ், ஸ்ரீநிதி ஷெட்டி உள்ளிட்ட பலரும் நடித்துள்ளனர். 

உலகம் முழுவதும்  சுமார் 10,000 தியேட்டர்களுக்கு மேல் ரிலீஸ் செய்யப்பட்ட கேஜிஎஃப் 2 வின் ப்ரீ புக்கிங் கலெக்சன்ஸ் மட்டும் உலகம் முழுவதும் 56.6 கோடியை கடந்தது.

100 கோடி பட்ஜெட்டில் எடுக்கப்பட்ட கேஜிஎஃப் 2 படம் ரிலீசுக்கு முன்பே போட்ட பணத்தை விட பல மடங்கு அதிகமான லாபத்தை பெற்றுவிட்டது.

இதையடுத்து, தற்போது வரை இந்த படம் பாக்ஸ் ஆபிஸில் ரூ.1000 கோடிக்கு மேல் வசூலித்து சாதனை படைத்தது வருகிறது. இதனால், யாஷ்ஸின் ரசிங்கர்கள் படு கொண்டாட்டத்தில் உள்ளனர். 

இந்நிலையில், தற்போதைய புதிய தகவல் என்னவென்றால், கேஜிஎஃப் 2 படம் மே 6 ம் தேதி அமேசான் பிரைமில் வெளியாகவுள்ளதாக தகவல் வெளியாகியுள்ளது.

படம் வெளியாகி மூன்று வாரங்களுக்கு பின் ஓடிடியில் வெளியிடலாம் என்பதால், டிஜிட்டலிலும் லாபத்தை பிடிக்க அமேசான் நிறுவனம் இந்த முடிவை எடுத்துள்ளதாக கூறப்படுகிறது. இந்த செய்தி கேட்டு ரசிகர்கள் குஷியாகியுள்ளனர்.