களத்தூர் கண்ணம்மாவில் 500 ரூபாய்.. அதன் பின் விஸ்வரூபம் எடுத்த "ஆண்டவர்" - இந்தியன் 2வில் பெற்ற சம்பளம் என்ன?
Universal Hero Kamal Haasan : தமிழ் சினிமா உலகில் கடந்த 64 ஆண்டுகளாக பயணித்து வரும் ஒரு ஒப்பற்ற மிகசிறந்த நடிகர் உலக நாயகன் கமல்ஹாசன் என்றால் அது மிகையல்ல.
Kalathur Kannamma
கடந்த 1960 ஆண்டு ஜாவர் சீதாராமன் எழுத்தில், பீம்சிங் இயக்கத்தில் வெளியான களத்தூர் கண்ணம்மா என்ற படத்தில் குழந்தை நட்சத்திரமாக அறிமுகமான நடிகர் தான் உலக நாயகன் கமல்ஹாசன். படு சுட்டி பையனாக நடித்த அந்த இளம் நடிகருக்கு அப்போது சம்பளம் 500 ரூபாய். அந்த படத்தை தொடர்ந்து பல படங்களில் அதே சம்பளத்திற்கு நடிக்க துவங்கினர் அந்த சிறுவன்.
Kamal Haasan
சுமார் 20 ஆண்டுகளில் மிக பெரிய நடிகராக உருவெடுத்த கமல்ஹாசன், 1980ம் ஆண்டு வெளியான குரு என்ற படத்தின் மூலம் இயக்குனராகவும் பணியாற்ற துவங்கினர். நடிப்பு, திரைக்கதை, இயக்கம், தயாரிப்பு, இசை, நடனம், விநியோகம் மற்றும் ஸ்டண்ட் என்று இவர் சினிமாவில் கால்பதிக்காத துறையே இல்லை என்றே கூறலாம். அது மட்டுமல்லாமல் இந்திய மொழிகள் பலவற்றில் நடித்து புகழ்பெற்ற ஒரு மாபெரும் நடிகர் அவர்.
Indian 2
பெரிய அளவில் கமெர்ஷியல் படங்களை விரும்பாத கமல்ஹாசன், தான் நடிக்க துவங்கி 64 ஆண்டுகளுக்கு பிறகு முன்னணி நாயகனாக விளங்கி வருகின்றார். விரைவில் அவருடைய 234வது படம் வெளியாகவுள்ளது. இந்நிலையில் அடுத்தபடியாக அவருடைய இந்தியன் 2 படம் திரையில் வெளியாகவுள்ளது. இந்த படத்திற்கு அவர் சுமார் 150 கோடி சம்பளமாக பெற்றுள்ளதாக கூறப்படுகிறது. 500 ரூபாயில் துவங்கிய அவரின் கலைப்பயணம் இப்பொது 150 கோடியில் வந்து நிற்கின்றது.