சம்பளம் 100 கோடி தான்... ஆனா ‘ஜெயிலர்’ ரஜினிக்கு கலாநிதி மாறன் கொடுத்த ஷேர் அதுக்கும் மேல! முழு விவரம் இதோ
ஜெயிலர் படத்தின் வெற்றிக்கு பின் ரஜினிகாந்தை சந்தித்த தயாரிப்பாளர் கலாநிதி மாறன், அவருக்கு படத்தின் ஷேர் தொகையை செக் ஆக வழங்கி உள்ளார்.
Kalanithi Maran, Rajinikanth
அண்ணாத்த படத்தின் தோல்விக்கு பின்னர் நடிகர் ரஜினிகாந்த் கொடுத்த தரமான கம்பேக் திரைப்படம் தான் ஜெயிலர். நெல்சன் இயக்கிய இப்படத்தை சன் பிக்சர்ஸ் நிறுவனம் தயாரித்திருந்தது. இப்படம் கடந்த மாதம் திரைக்கு வந்து இப்படம், மூன்று வாரங்களைக் கடந்தும் திரையரங்குகளில் வெற்றிநடை போட்டு வருவதோடு, பாக்ஸ் ஆபிஸில் வசூல் வேட்டையும் நடத்தி வருகிறது. இதுவரை சுமார் 550 கோடிக்கு மேல் அப்படம் வசூலித்து உள்ளது.
Jailer Rajinikanth
ஜெயிலர் படத்தின் ரிலீசுக்கு முன்பே, அப்படத்தின் இசை வெளியீட்டு விழாவில் கலந்துகொண்ட தயாரிப்பாளர் கலாநிதி மாறன், ரஜினிகாந்த் ரெக்கார்ட் பிரேக்கர் அல்ல ரெக்கார்ட் மேக்கர் என கூறி இருந்தார். அவர் சொன்னது நிஜமாகவே நடந்துவிட்டது. ஜெயிலர் மூலம் பல்வேறு சாதனைகளை படைத்து தான் ஒரு ரெக்கார்ட் மேக்கர் என நிரூபித்துவிட்டார் ரஜினி. ஜெயிலர் படத்தில் நடித்ததற்காக ரஜினிக்கு ரூ.100 கோடி சம்பளமாக வழங்கப்பட்டு இருந்தது.
இதையும் படியுங்கள்... சமந்தாவும், விஜய் தேவரகொண்டாவும் கம்பேக் கொடுத்தார்களா? கடுப்பேற்றினார்களா? குஷி படத்தின் விமர்சனம் இதோ
Kalanithi Maran meet Rajinikanth
ரஜினிகாந்த் போன்ற முன்னணி நடிகர்கள் சம்பளம் மட்டும் வாங்காமல் அவர்கள் நடிக்கும் படத்தின் லாபத்தில் இருந்து குறிப்பிட்ட தொகையையும் வாங்கிக் கொள்வதை வழக்கமாக வைத்துள்ளனர். இது சற்று ரிஸ்க் ஆன விஷயம் தான். ஏனெனில், ஒரு படம் ஹிட் ஆனால் கோடிக்கணக்கில் ஷேர் கிடைக்கும், அதுவே தோல்வி அடைந்துவிட்டால், நடிகர்களின் சம்பளத்தில் தான் கைவைப்பார்கள்.
அப்படி இருக்கையில், ஜெயிலர் படத்திற்கும் ஷேரில் ஒரு பங்கு தனக்கு தர வேண்டும் என டீல் பேசி இருந்தாராம் ரஜினி. படமும் வெளியாகி அதிரிபுதிரியான வெற்றியை பெற்றுவிட்டதால், தயாரிப்பாளர் கலாநிதி மாறனே வீடு தேடி சென்று ரஜினிக்கு ஷேர் தொகையை கொடுத்து இருக்கிறார். நேற்று இதுகுறித்த புகைப்படங்களும் வெளியாகி இருந்தன.
Rajinikanth
ரஜினிக்கு கலாநிதி மாறன் கொடுத்த செக்கில் ரெக்கார்ட் மேக்கர் என எழுதப்பட்டிருந்தது தெரிந்தாலும், அந்த செக்கில் எவ்வளவு தொகை இருந்தது என்பது தெரியாமலே இருந்தது. தற்போது அது எவ்வளவு என்கிற தகவல் கசிந்துள்ளது. அதன்படி ரூ.110 கோடி ஷேர் தொகைக்கான செக்கை தான் ரஜினியிடம் கொடுத்தாராம் கலாநிதி மாறன். ஏற்கனவே ரூ.100 கோடி சம்பளம் போக ரூ.110 கோடி ஷேர் தொகை என மொத்தமாக ஜெயிலர் மூலம் மட்டும் ரஜினிக்கு சுமார் ரூ.210 கோடி கிடைத்து இருக்கிறதாம்.
இதையும் படியுங்கள்... Jailer: போட்ரா வெடிய... ரெகார்ட் மேக்கர்! 'ஜெயிலர்' பட வெற்றி.. ரஜினிகாந்துக்கு கலாநிதிமாறன் கொடுத்த செக்!
சேனலை கிளிக் செய்து பின்தொடரவும்
