TV Actress Death: ஒரே வீட்டில்.. அடுத்தடுத்த மரணம்! சகோதரி இறந்த 24 மணிநேரத்தில் பிரபல நடிகை அதிர்ச்சி மரணம்!
டிவி நடிகை டோலி சோஹி, அவரின் சகோதரி உயிரிழந்த 24 மணிநேரத்தில் உயிரிழந்துள்ள சம்பவம் அதிர்ச்சியை ஏற்படுத்தியுள்ளது.
'ஜனத்' என்கிற சீரியலில் நடித்ததன் மூலம் பிரபலமானவர் டோலி சோஹி. இவரின் சகோதரி அமந்தீப் சோஹி நேற்று உயிரிழந்த நிலையில், இன்று காலை டோலி சோஹியும் தன்னுடைய 48 வயதில் உயிரிழந்துள்ளார். இந்த சம்பவம் பாலிவுட் சீரியல் ரசிகர்கள் மத்தியில் அதிர்ச்சியை ஏற்படுத்தியுள்ளது.
சமீப காலமாக சீரியல் நடிகை டோலி சோஹி கர்ப்பப்பை வாய்ப் புற்றுநோயால் பாதிக்கப்பட்டு, சிகிச்சை எடுத்து வந்துள்ளார். அதே போல் இவரின் சகோதரி அமந்தீப் சோஹியும் மஞ்சள் காமாலையுடன் போராடி வந்த நிலையில் நேற்றைய தினம் உயிரிழந்துள்ளார். இவரது மரணம் நிகழ்ந்த மறுதினம் இன்று காலை டோலியும் உயிரிழந்துள்ளார்.
இவரது மரணம் குறித்து வெளியாகியுள்ள தகவலில் சமீபத்தில் டோலிக்கு மூச்சுத் திணறல் ஏற்பட்டு மருத்துவமனையில் அனுமதிக்கப்பட்டார். சிகிச்சைக்கு பின் அவரின் உடல் நிலையில் நல்ல முன்னேற்றம் ஏற்பட்டுளள்து. கீமோதெரபி எடுத்துக்கொண்டதால், நீண்ட நேரம் சீரியலில் நடிக்க இவரின் உடல் நிலை ஒத்துழைக்காத காரணத்தால், 'ஜானக்' நிகழ்ச்சியை விட்டு வெளியேறினார்.
பல வருடங்களாக சீரியல்களில் தொடர்ந்து நடித்து வரும் இவர், கனடாவைச் சேர்ந்த என்ஆர்ஐ அவ்னீத் தனோவா என்பவரை மணந்தார். பின்னர் சில வருடங்களில் இருவருக்கும் ஏற்பட்ட கருத்து வேறுபாடுகாரணமாக விவாகரத்து பெற்று பிரிந்தனர். இவருக்கு தற்போது மகள் ஒருவர் உள்ளது குறிப்பிடத்தக்கது.