லாக்டவுன்ல 350 கோடிய எடுத்து கொடுத்தாரு... ஷாருக்கானின் அந்த மனசு இருக்கே! மெர்சலாகிப்போன அட்லீ
Jawan Director Atlee : ஜவான் படத்தில் பணியாற்றிய அனுபவம் குறித்து பாலிவுட் நடிகர் ஷாருக்கான் உடனான நட்பு குறித்தும் இயக்குனர் அட்லீ நெகிழ்ச்சி உடன் பேசி உள்ளார்.
Atlee
கோலிவுட்டில் கொடிகட்டிப்பறந்த அட்லீயை பாலிவுட்டுக்கு அழைத்து சென்றவர் ஷாருக்கான். அவர் நடித்த ஜவான் படம் மூலம் பாலிவுட்டில் இயக்குனராக காலடி எடுத்து வைத்துள்ளார் அட்லீ. இப்படத்தில் ஹீரோவாக நடித்துள்ளதோடு, இப்படத்தை தன்னுடைய ரெட் சில்லீஸ் நிறுவனத்தின் மூலம் தன் மனைவி கெளரி கான் உடன் இணைந்து தயாரித்தும் உள்ளார் ஷாருக்கான். ஜவான் படத்தின் அனுபவம் குறித்து இயக்குனர் அட்லீ பேட்டி அளித்துள்ளார்.
shah rukh khan -atlee
அதில் அவர் கூறியதாவது : “ஜவானின் பயணம் 4 ஆண்டுகளுக்கு முன் தொடங்கியது. நானும் ஷாருக்கானும் சென்னையில் ஐபிஎல் மேட்ச் பார்த்தபோது எடுத்த புகைப்படம் வெளியாகி இருக்கும், அப்போது தான் அவரை சந்தித்தேன். அதன்பின்னர் லாக்டவுன் சமயத்தில் தான் இந்த படத்தில் ஒப்பந்தம் ஆனேன். தமிழ் மீடியாவும், தமிழ்நாட்டு ரசிகர்களும் அளித்த அன்பு தான் என்னை ஷாருக்கானின் வீடு வரை கொண்டு சென்றுள்ளது.
இதையும் படியுங்கள்... Jawan Review in Tamil : கத்துக்கிட்ட மொத்த வித்தையையும் இறக்கினாரா அட்லீ? ஷாருக்கானின் ஜவான் பட விமர்சனம் இதோ
Director Atlee
லாக்டவுன் சமயத்திலேயே என்னிடம் ரூ.350 கோடி பட்ஜெட்டை கொடுத்தார். யார் இதுமாதிரிலாம் பண்ணுவாங்க. ஆரம்பிக்கும்போதே தெளிவாக சொல்லிவிட்டார், உங்களுடைய டெம்பிளேட்டில் படத்தை எடுங்க நான் அதில் நடிக்க மட்டும் செய்கிறேன் என்று. அதேபோல் கதாபாத்திர தேர்வையும் முழுமையாக என்னிடமே விட்டுவிட்டார். இன்று நான் இந்த அளவுக்கு இருக்கிறேன் என்றால் அவை எல்லாம் தமிழ் சினிமா எனக்கு கொடுத்தது.
Jawan
அதனால் தான் தமிழ் சினிமா பணியாளர்களுக்கு ஜவான் படம் மூலம் எந்த அளவுக்கு வாய்ப்பு கொடுக்க முடியுமோ அந்த அளவுக்கு கொடுத்துள்ளேன். மெர்சல் படத்துக்காக 20 நாள் வெளிநாட்டில் ஷூட் பண்ணியதை தவிர வேறு எந்த படத்துக்காகவும் நான் வெளிநாட்டில் படப்பிடிப்பு வைக்கவில்லை. ஜவான் படத்துக்காக தமிழ்நாட்டில் இருந்து 4500 பேரை பயன்படுத்தி இருந்தோம். அதற்காக பெப்சியே எங்களுக்கு நன்றி தெரிவித்திருந்தது. ஜவான் மூலம் இப்படி ஒரு நல்ல விஷயம் செய்ததற்காக பெருமைப்படுகிறேன்” என அட்லீ கூறி உள்ளார்.
இதையும் படியுங்கள்... சென்னையில் ஜவான் FDFS பார்க்க கோலிவுட் படையோடு கிளம்பி வந்த அட்லீ - வைரலாகும் போட்டோஸ்