அட்லீ வசனத்தில்.. வெற்றிமாறன் இயக்கத்தில்.. நான் நடிக்க ஒப்பந்தமானேன் - Drop ஆனா படம் குறித்து பேசிய பிரபலம்!
Dropped Movie of Vetrimaaran : உண்மை சம்பவங்களை அடிப்படையாகக் கொண்டு திரைப்படங்களை இயக்குவதை வழக்கமாகக் கொண்ட ஒரு இயக்குனர் தான் வெற்றிமாறன். இந்நிலையில் அவருடைய இயக்கத்தில் உருவாகவிருந்து, பின்னர் கைவிடப்பட்ட ஒரு திரைப்படம் குறித்து தகவல்கள் வெளியாகி உள்ளது.
Actor Dhanush
அண்மையில் ஒரு தனியார் நிறுவனத்திற்கு பேட்டி அளித்த பிரபல நடிகரும், இசையமைப்பாளருமான ஜிவி பிரகாஷ் குமார் அவர்கள் பல்வேறு திரைப்படங்கள் குறித்து மனம்திறந்துள்ளார். அந்த வகையில் வெற்றிமாறன் இயக்கத்தில் அவர் நடிக்க ஒப்பந்தமாகி, அதன் பின் தயாரிப்பு நிறுவனத்துடன் ஏற்பட்ட சிக்கல் காரணமாக கைவிடப்பட்ட ஒரு திரைப்படம் குறித்து அவர் பேசி உள்ளார்.
Leelavathi Death: திரையுலகில் மேலும் ஒரு சோகம்... பழம்பெரும் நடிகை லீலாவதி காலமானார்.!
GV Prakash Kumar
வெற்றிமாறன் இயக்கவிருந்து அந்த திரைப்படத்திற்கு பிரபல இயக்குனர் அட்லீ அவர்கள் வசனம் எழுதி வந்ததாகவும் அவர் கூறியுள்ளார். வெற்றிமாறனின் வாழ்க்கையில் நடந்த சில உண்மை சம்பவங்களை அடிப்படையாகக் கொண்டு, கிரிக்கெட் கதைக்களம் கொண்ட ஒரு திரைப்படமாக அது உருவாகி வந்தது என்று அவர் கூறியுள்ளார்.
Atlee and GVP
ஆனால் தயாரிப்பு நிறுவனத்துடன் ஏற்பட்ட கருத்து வேறுபாடு காரணமாக அந்த படம் கைவிடப்பட்டது என்றும், எப்பொழுது அந்த திரைப்படம் வெளியாகினாலும் அது மக்கள் மத்தியில் ஒரு மிகப்பெரிய தாக்கத்தை ஏற்படுத்தும் என்பதில் மாற்றுக் கருத்து இல்லை என்றும் ஜி.வி பிரகாஷ் குமார் தெரிவித்துள்ளார். அந்த திரைப்படத்தில் நடிக்க முடியாமல் போனது நினைத்து மிகுந்த வேதனை அடைந்ததாகவும் அவர் கூறியுள்ளார்.