Comedy Actor Death: டேனியல் பாலாஜி மறைவை தொடர்ந்து மற்றொரு அதிர்ச்சி! பிரபல தமிழ் காமெடி நடிகர் மரணம்!
பல படங்களில் துணை நடிகராகவும், காமெடி வேடத்திலும் நடித்து பிரபலமான நடிகர் விஸ்வேஷ்வர ராவ் திடீர் என மரணமடைந்துள்ள தகவல் திரையுலகினர் மத்தியில் அதிர்ச்சியை ஏற்படுத்தியுள்ளது.
தமிழ் திரையுலகம் சமீப காலமாக திறமையான பல கலைஞர்களை அடுத்தடுத்து இழந்து வருகிறது. அந்த வகையில், நடிகர் விவேக்கின் மரணம், மயில்சாமி மரணம், மனோ பாலா மரணம், போன்றவை ரசிகர்களை பேரதிர்ச்சியில் ஆழ்த்தியது.
இதை தொடர்ந்து கடந்த ஓரிரு தினங்களுக்கு முன்பு, முன்னணி வில்லன் நடிகரான டேனியல் பாலாஜி திடீர் என ஏற்பட்ட மாரடைப்பு காரணமாக, சிகிச்சை பலனின்றி உயிரிழந்தார். 48 வயதிலேயே டேனியல் பாலாஜி உயிரிழந்த சம்பவம், தமிழ் திரையுலகினரை மட்டும் இன்றி தெலுங்கு,கன்னடம், மற்றும் மலையாள திரையுலகினரும் சோகத்துடன் இவருக்கு தங்களின் இரங்கலை தெரிவித்து வந்தனர்.
இதை தொடர்ந்து தன்னுடைய 6 வயதில் இருந்து தமிழ் மற்றும் தெலுங்கு திரையுலகில் நடித்து வந்த, நடிகர் விஸ்வேஷ்வர ராவ் மரணமடைந்துள்ள தகவல் வெளியாகி உள்ளது. இவர் குழந்தை நட்சத்திரமாக இதுவரை சுமார் 150 படங்களில் நடித்துள்ளார்.
அதே போல் தமிழில் ஏராளமான படங்களில் காமெடி நடிகராகவும், குணச்சித்திர வேடத்திலும் நடித்துள்ளார். பல்வேறு சீரியல்களிலும் நடித்துள்ளார் என்பது குறிப்பிடத்தக்கது. சுமார் 350 படங்களுக்கு மேல் நடித்துள்ளார். 62 வயதாகும் இவர் உடல்நல குறைவு காரணமாக உயிரிழந்ததாக கூறப்படுகிறது. மேலும் நாளை இவருடைய இறுதி சடங்கு, நடைபெற உள்ளதாக தெரிவிக்கப்பட்டுள்ளது. தற்போது இவருடைய உடல் ரசிகர்கள் மற்றும் பிரபலங்கள் அஞ்சலிக்காக, சென்னை சிறுசேரியில் உள்ள அவருடைய வீட்டில் வைக்கப்பட்டுள்ளது குறிப்பிடத்தக்கது.
சேனலை கிளிக் செய்து பின்தொடரவும்
