Raayan Update: மூன்று வெறித்தனமான காம்போ! உங்கள் ஃபேவரட் எது... சன் பிச்சர்ஸ் வெளியிட்ட 'ராயன்' பட அப்டேட்!

தனுஷின் 50-ஆவது திரைப்படமாக உருவாகி வருகிறது ராயன். சன் பிக்சர்ஸ் நிறுவனம் தயாரிக்கும் இந்த படத்தில் நடிகர் தனுஷ் நடிப்பது மட்டும் இன்றி, மிகப்பெரிய நட்சத்திர பட்டாளத்தையே வைத்து இயக்கியும் உள்ளார்.
 

பரபரப்பாக நடந்து வந்த இந்த படத்தின் படப்பிடிப்பு முடிவடைந்து, தற்போது தொழில்நுட்ப பணிகள் விறுவிறுப்பாக நடைபெற்று வருகிறது. இந்த நிலையில் சற்றுமுன் சன் பிக்சர்ஸ் நிறுவனம் இந்த படம் குறித்த ஒரு புதிய அப்டேட்டை பதிவு செய்துள்ளது. 
 

அதாவது தனுஷ்  நடித்துள்ள இப்படத்தில் ரசிகர் காண ஆர்வமாக இருப்பது யாருடைய காம்போ என கேள்வி எழுப்பியுள்ளது. தனுஷ் மற்றும் செல்வராகவன், தனுஷ்  மற்றும் எஸ்.ஜே.சூர்யா, தனுஷ், காளிதாஸ் ஜெயராம் மற்றும் சந்தீப் கிஷன் ஆகியோரின் புகைப்படமும் இதில் இடம்பெற்றுள்ளது.
 

இதற்க்கு பல ரசிகர்கள், எஸ்.ஜே.சூர்யா மற்றும் தனுஷின் கம்போவை தான் காண ஆர்வமாக இருப்பதாக தெரிவித்து வருகிறார்கள். இந்த போஸ்ட் தற்போது சமூக வலைத்தளத்தில் படு வைரலாகி வருகிறது. இந்த படம் கோடை விடுமுறையை முன்னிட்டு ஏப்ரல் மாதம் வெளியாகலாம் என எதிர்பார்க்கப்பட்ட நிலையில், தேர்தல் காரணமாக, ரிலீஸ் குறித்த அறிவிப்பு தற்போது வரை வெளியாகாமல் உள்ளது. தேர்தலுக்கு பின்னரே இப்படம் குறித்த அறிவிப்பு வெளியாகும் என எதிர்பார்க்கப்படுகிறது.