Legend Saravanan Next Movie: லெஜெண்ட் சரவணனின் அடுத்த படத்தை இயக்கும் தனுஷ் - சிவகார்த்திகேயன் பட இயக்குனர்!
தொழிலதிபரும், நடிகருமான லெஜெண்ட் சரவணன் நடிக்க உள்ள இரண்டாவது படத்தின் இயக்குனர் யார் என்கிற தகவல் தற்போது வெளியாகியுள்ளது.
Legend Saravanan
தமிழக மக்களிடையே மிகவும் பிரபலமான தொழிலதிபராக அறியப்படும் லெஜெண்ட் சரவணன், அதிரடியாக தன்னுடைய கடை விளம்பரத்தின் மாடலாக மாறி.. பலரையும் வியப்படைய வைத்தார். அதாவது வசந்தாங்கோ, லலிதா ஜுவல்லரி ஓனர் போன்று... விளம்பரங்களில் நின்று பேசிவிட்டு செல்லாமல், முன்னணி ஹீரோக்களுக்கே டஃப் கொடுக்கும் விதத்தில் கலர் ஃபுல் உடையில் ஆட்டம்... பாட்டம் என களைகட்ட செய்தார்.
![article_image2](https://static-ai.asianetnews.com/images/01hf6xwar2sy34s2srmysdy1sp/Saravanan-Arul7-1699965971202_300x399xt.jpg)
ஹன்சிகா, தமன்னா போன்ற முன்னணி நடிகைகளுடன் இவர் விளம்பரங்களில் தோன்றியது விமர்சனங்களுக்கு ஆளானது மட்டும் இன்றி, பல மீம்ஸ் கிரியேட்டர்களுக்கு தீனி போட்டது. ஆனால் எதை பற்றியும் கண்டு கொள்ளாமல், அடுத்தடுத்த விளம்பரங்களில் நடித்தது மட்டும் இன்றி தரமான கதையை தேர்வு செய்து அதில் ஹீரோவாகவும் நடித்தார்.
தன்னுடைய விளம்பர படங்களை இயக்கிய, இரட்டை இயக்குனர்களான ஜேடி - ஜெர்ரி இயக்கத்தில் லெஜெண்ட் சரவணன் நடித்த 'தி லெஜெண்ட்' திரைப்படம் கடந்த ஆண்டு வெளியானது. விமர்சன ரீதியாக பாராட்டுகளை குவித்த இந்த படம், வசூல் ரீதியாக தோல்வியை தழுவியது.
முதல் படத்திலேயே... ஆட்டம், பாட்டம், ரொமான்ஸ், ஆக்ஷன் என டாப் ஹீரோக்களுக்கு சவால் விட்ட லெஜெண்ட் தற்போது தன்னுடைய இரண்டாவது படத்தில் நடிக்க தயாராகி உள்ளார். ஏற்கனவே இவர் சமீபத்தில் நிகழ்ச்சி ஒன்றில் பேசிய போது, அடுத்த படத்திற்கான நல்ல கதையை தேர்வு செய்து விட்டேன் விரைவில் படம் குறித்த அறிவிப்பு வெளியாகும் என தெரிவித்தார்.
அதன்படி தற்போது லெஜெண்ட் சரவணன் நடிக்க உள்ள படத்தை இயக்கும் இயக்குனர் பற்றிய தகவல் வெளியாகியுள்ளது. இந்த படத்தை, சிவகார்த்திகேயன் நடித்த எதிர்நீச்சல் படத்தை இயக்கி தன்னுடைய முதல் படத்திலேயே சூப்பர் ஹிட் கொடுத்த துரை செந்தில்குமார் இயக்க உள்ளதாக கூறப்படுகிறது.
இவர் தனுஷை வைத்து கொடி, பட்டாசு ஆகிய படங்களை இயக்கியுள்ளார். தற்போது ராகவா லாரன்ஸை வைத்து அதிகாரம் என்கிற படத்தை இயக்கி வரும் நிலையில், இந்த படத்தின் படப்பிடிப்பு முடிந்த பின்னர் லெஜெண்ட் சரவணன் நடிக்கும் படத்தை இயக்க உள்ளதாக கூறப்படுகிறது. விரைவில் இதுகுறித்த அறிவிப்பு வெளியாகலாம் என எதிர்பார்க்க படுகிறது... அதுவரை கார்த்திருப்போம்!!
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D