சென்னை சர்வதேச திரைப்பட விழா.. சிறந்த படத்திற்கான விருதை வென்ற உடன்பால் - நேரில் வந்து வாழ்த்திய பிரபலங்கள்!
Chennai International Film Festival : தமிழக அரசின் ஆதரவுடன் கடந்த 2003 ஆம் ஆண்டிலிருந்து Indo Cine Appreciation Foundation சென்னையில் சர்வதேச திரைப்பட விழாக்களை நடத்தி வருகிறது.
Chennai International Film Festival
அந்த வகையில் 21வது சென்னை சர்வதேச திரைப்பட விழா ராயப்பேட்டையில் கடந்த டிசம்பர் 14ஆம் தேதி துவங்கியது. இந்த அமைப்பினுடைய தலைவர் சிவன் கண்ணன் தலைமையில் பிரபல நடிகை பார்வதி நாயர் குத்துவிளக்கு ஏற்றி இந்த விழாவை அன்று துவங்கி வைத்தார். பிரபல இயக்குனர் மோகன் ராஜா இந்த நிகழ்வின்போது உடனிருந்தார்.
Udanpaal Team
இயக்குனர் வசந்த பாலனின் அநீதி, வெற்றிமாறனின் விடுதலை, மாரி செல்வராஜின் மாமன்னன் உள்பட மொத்தம் 12 திரைப்படங்கள் இந்த சென்னை சர்வதேச திரைப்பட விழாவில் திரையிட தேர்வு செய்யப்பட்டது. இதில் சிறந்த முதல் மூன்று திரைப்படங்களாக வெற்றி பெறும் படங்களுக்கு 7 லட்சம் ரூபாய் பரிசு வழங்கப்பட இருந்தது குறிப்பிடத்தக்கது.
Udanpaal Movie
இந்நிலையில் இந்த சென்னை சர்வதேச திரைப்பட விழாவில், சிறந்த திரைப்படமாக இரண்டாவது இடத்தை பிடித்து வெற்றி பெற்றிருக்கிறது இயக்குனர் கார்த்திக் சீனிவாசனின் "உடன்பால்" என்கின்ற திரைப்படம். இந்த திரைப்படம் கடந்த 2022 ஆம் ஆண்டு டிசம்பர் மாதம் "ஆகா" என்கின்ற ஓடிடி தளத்தில் நேரடியாக வெளியானது குறிப்பிடத்தக்கது.
Vadivelu
பல முன்னணி நடிகர், நடிகைகள் இணைந்து நடித்திருந்த இந்த திரைப்படம் மக்கள் மத்தியிலும், விமர்சன ரீதியாகவும் ஒரு நல்ல வரவேற்பை பெற்றது. காமெடி கலந்த ஒரு சிறந்த படமாக உருவான இப்படம் சென்னை சர்வதேச திரைப்பட விழாவில் இரண்டாம் இடம் பிடித்து வெற்றி பெற்றிருக்கிறது. படக்குழுவினர் எடுத்துக்கொண்ட புகைப்படங்கள் இப்பொது வெளியாகியுள்ளது.
சேனலை கிளிக் செய்து பின்தொடரவும்
