ஜப்பான் முதல் கேப்டன் மில்லர் வரை.. இந்த ஆண்டே வெளியாக காத்திருக்கும் 4 டக்கர் படங்கள் - ரசிகர்கள் Waiting!
ஜெயிலர் மற்றும் லியோ உள்பட இந்த ஆண்டு வெளியான பல தமிழ் திரைப்படங்கள் சூப்பர் ஹிட் திரைப்படங்களாக மாறியுள்ள நிலையில், இன்னும் இந்த வருடம் முடிய இரண்டு மாத காலமே இருக்கும் இந்த சூழலில், இன்னும் நான்கு முக்கியமான திரைப்படங்கள் விரைவில் வெளியாக உள்ளது குறிப்பிடத்தக்கது.
Japan Movie
பிரபல நடிகர் கார்த்தி நடிப்பில், சுனில், பாவா செல்லதுரை மற்றும் அனு இமானுவேல் உள்ளிட்ட பலர் நடிக்க விரைவில் வெளியாக இருக்கும் திரைப்படம் தான் ஜப்பான். இயக்குனர் ராஜமுருகன் இயக்க, பிரபல தயாரிப்பாளர் எஸ்.ஆர் பிரபு இந்த திரைப்படத்தை ட்ரீம் வாரியார் பிக்சர்ஸ் நிறுவனத்தின் சார்பில் தயாரித்து வெளியிட இருக்கிறார். எதிர்வரும் நவம்பர் மாதம் வெளியாகவுள்ள நிலையில், இந்த ஆண்டில் வெளியாகும் மிகவும் எதிர்பார்க்கப்படும் திரைப்படங்களில் இந்த திரைப்படமும் ஒன்று.
மீண்டும் இடையழகை காட்டிய ரம்யா பாண்டியன்! பாவாடை - ஜாக்கெட் மட்டும் அணிந்து தாவணி போடாமல் ஹாட் போஸ்!
Jigarthanda
பிரபல நடிகர்கள் ராகவா லாரன்ஸ் மற்றும் நடிப்பு அரக்கன் எஸ்.ஜே சூர்யா நடிப்பில் நவம்பர் மாதம் 10ம் தேதி வெளியாகவுள்ள உள்ள திரைப்படம் தான் ஜிகர்தண்டா டபுள் எக்ஸ். இந்த திரைப்படத்தை பிரபல இயக்குனர் கார்த்திக் சுப்புராஜ் இயக்க, ஸ்டோன் பெஞ்ச் பிலிம்ஸ் நிறுவனம் இந்த திரைப்படத்தை தயாரித்து வழங்க உள்ளது. சந்தோஷ் நாராயணன் இந்த திரைப்படத்திற்கு இசையமைத்துள்ளார். இந்த ஆண்டு வெளியாக இருக்கும் மிகவும் எதிர்பார்க்கப்படும் திரைப்படங்களில் இதுவும் ஒன்று.
Dhruva natchathiram
கடந்த ஐந்து ஆண்டுகளுக்கும் மேலாக பல சவால்களை சந்தித்து இறுதியாக வருகின்ற தீபாவளி திருநாளன்று வெளியாகவுள்ள திரைப்படம் தான் துருவ நட்சத்திரம். பிரபல இயக்குனர் கௌதம் வாசுதேவ் மேனன் இயக்கம் மற்றும் தயாரிப்பில் இந்த திரைப்படம் விரைவில் வெளியாக உள்ளது. மூத்த நடிகர் சியான் விக்ரம் இந்த திரைப்படத்தில் நடித்துள்ளார் என்பது குறிப்பிடத்தக்கது. இந்த ஆண்டு வெளியாகவிருக்கும் மிகவும் எதிர்பார்க்கப்படும் திரைப்படங்களில் இதுவும் ஒன்று.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Captain Miller
பிரபல நடிகர் தனுஷ், கன்னட சூப்பர் ஸ்டார் சிவராஜ் குமார், ஜெயிலர் பட வில்லன் விநாயகன், பிரியங்கா மோகன், நிவேதிதா சதீஷ் உள்ளிட்ட பல முன்னணி நடிகர்கள் ஒன்றிணைந்து நடிக்கும் திரைப்படம் தான் கேப்டன் மில்லர். அருண் மாதேஸ்வரன் இயக்கத்தில் இந்த ஆண்டு வெளியாக இருக்கும் மிக மிக எதிர்பார்க்கப்படும் திரைப்படங்களில் ஒன்றாக உள்ளது. கேப்டன் மில்லர் இந்த திரைப்படம் 15ஆம் தேதி டிசம்பர் மாதம் வெளியாகவுள்ளது.