கடும் போட்டிக்கு மத்தியில் விற்பனையான பார்க்கிங் பட ரீமேக் உரிமை... ஒரே நேரத்தில் 5 மொழிகளில் ரீமேக் ஆகிறது

ராம் குமார் பாலகிருஷ்ணன் இயக்கத்தில் ஹரிஷ் கல்யாண் ஹீரோவாக நடித்த பார்க்கிங் திரைப்படம் 5 மொழிகளில் ரீமேக் ஆக உள்ளதாம்.

parking Movie

தமிழ் சினிமாவில் கடந்தாண்டு நிறைய சிறு பட்ஜெட் படங்கள் பெரியளவில் கொண்டாடப்பட்டன. அந்த லிஸ்ட்டில் இடம்பெற்ற ஒரு படம் தான் பார்க்கிங். ராம்குமார் பாலகிருஷ்ணன் இயக்கிய இப்படத்தில் ஹரிஷ் கல்யாண் ஹீரோவாக நடித்திருந்தார். அவருக்கு ஜோடியாக இந்துஜா நடித்த இப்படத்தில் எம்.எஸ்.பாஸ்கர் முக்கிய கதாபாத்திரத்தில் நடித்திருந்தார். இப்படத்திற்கு சாம் சிஎஸ் இசையமைத்து இருந்தார்.

parking Movie Harish kalyan

கடந்த ஆண்டு டிசம்பர் மாதம் நடிகை நயன்தாரா நடித்த அன்னபூரணி படத்துக்கு போட்டியாக திரைக்கு வந்த இப்படம் ரசிகர்கள் மத்தியில் ஏகோபித்த வரவேற்பை பெற்றது. கதையை பொறுத்தவரை மிகவும் சிம்பிள் ஆனது தான். இரண்டு வீடுகள் கொண்ட அபார்ட்மெண்ட்டில் ஒரே காரை பார்க்கிங் செய்யும் வசதி இருக்கும், அதில் யார் காரை நிறுத்துவது என இருவருக்கும் இடையேயான ஈகோ மோதல் தான் இப்படத்தின் கதைக்களம்.

இதையும் படியுங்கள்... நினைத்தேன் வந்தாய் சீரியல் : குடிபோதையில் எழில்... யாருக்கும் தெரியாமல் இந்துவின் சமாதிக்கு சென்ற குழந்தைகள்

Harish Kalyan

சிம்பிளான கதையாக இருந்தாலும் அதை விறுவிறுப்பான திரைக்கதை மூலம் காட்சிப்படுத்திய விதம் தான் இப்படத்தை ரசிகர்கள் மத்தியில் ரீச் ஆக்கியது. திரையரங்குகளில் வெளியாகி வசூலை வாரிக்குவித்த இப்படம், ஓடிடியில் ரிலீஸ் ஆன பின்னர் உலகம் முழுவதிலும் இருந்து இப்படத்திற்கு பாராட்டுக்கள் குவிந்தது. தமிழ் மட்டுமின்றி பிற மொழிகளிலும் டப்பிங் செய்யப்பட்டு இப்படம் ரிலீஸ் ஆனதால் இதற்கு மற்ற மொழிகளிலும் வரவேற்பு கிடைத்தது.

parking Movie Remake in 5 languages

இந்த நிலையில், தற்போது அப்படம் மேலும் ஒரு சாதனையை படைத்து இருக்கிறது. அதன்படி பார்க்கிங் திரைப்படத்தின் ரீமேக் உரிமையை வாங்க கடும் போட்டி நிலவி வந்த நிலையில், தற்போது தெலுங்கு, மலையாளம், கன்னடம், இந்தி மற்றும் ஒரு சர்வதேச மொழியில் இப்படத்தை ரீமேக் செய்வதற்கான உரிமை பெரும் தொகைக்கு விற்பனை ஆகி உள்ளதாம். ஒரே நேரத்தில் 5 மொழிகளில் பார்க்கிங் படம் ரீமேக் செய்ய உள்ள தகவல் கோலிவுட் வட்டாரத்தையே ஆச்சர்யத்தில் ஆழ்த்தி உள்ளது.

இதையும் படியுங்கள்...புர்ஜ் கலிஃபாவில் சொந்த அபார்ட்மெண்ட்... கோடிகளில் புரளும் மோகன்லால் இத்தனை கோடி சொத்துக்களுக்கு அதிபதியா?