தமிழர்களை பிச்சை எடுப்பவர்கள் என்று கூறியவருக்கு ஹீரோயின் வாய்ப்பு - ரஜினி மகளை வெளுத்துவாங்கிய பிரபலம்
லால் சலாம் படத்தில் நடிகை தன்யா பாலகிருஷ்ணனை ஹீரோயினாக நடிக்க வைத்த ஐஸ்வர்யா ரஜினிகாந்தை ப்ளூ சட்டை மாறன் வெளுத்து வாங்கி உள்ளார்.
Aishwarya Rajinikanth
ரஜினி மகள் ஐஸ்வர்யா ரஜினிகாந்த் இயக்கிய லால் சலாம் திரைப்படம் வருகிற பிப்ரவரி 9-ந் தேதி திரைக்கு வர உள்ளது. இப்படத்தை லைகா நிறுவனம் தயாரித்துள்ளது. இதில் சூப்பர்ஸ்டார் ரஜினிகாந்தும் மொய்தீன் பாய் என்கிற கதாபாத்திரத்தில் கேமியோ ரோலில் நடித்திருக்கிறார். கிரிக்கெட்டை மையமாக வைத்து உருவாகி இருக்கும் இப்படத்திற்கு இசைப்புயல் ஏ.ஆர்.ரகுமான் இசையமைத்து உள்ளார்.
Lal salaam director Aishwarya
லால் சலாம் படத்தில் கதையின் நாயகர்களாக விஷ்ணு விஷால் மற்றும் விக்ராந்த் ஆகியோர் நடித்துள்ளனர். மேலும் இப்படத்தில் நிரோஷா, தங்கதுரை, தம்பி ராமையா, தன்யா பாலகிருஷ்ணன் என மிகப்பெரிய நட்சத்திர பட்டாளமே நடித்துள்ளது. இந்த நிலையில், இப்படத்தில் ஹீரோயினாக நடித்துள்ள தன்யா பாலகிருஷ்ணன் பற்றி ஒரு பகீர் தகவலை வெளியிட்டு இருக்கிறார் சர்ச்சைக்குரிய விமர்சகரான ப்ளூ சட்டை மாறன்.
இதையும் படியுங்கள்... லால் சலாமுக்கு முன்னர் இத்தனை திரைப்படங்களில் கெஸ்ட் ரோலில் நடித்துள்ளாரா ரஜினி? வியக்க வைக்கும் லிஸ்ட் இதோ
dhanya balakrishanan
அவர் போட்டுள்ள பதிவில் குறிப்பிட்டுள்ளதாவது : “தான்யா பாலகிருஷ்ணன், பெங்களூரில் வசிப்பவர். ஏழாம் அறிவு, காதலில் சொதப்புவது எப்படி, நீதானே என் பொன்வசந்தம், ராஜா ராணி போன்ற சில தமிழ்ப்படங்களில் நடித்தார். வாயை மூடி பேசவும், மாரி போன்ற படங்களை இயக்கிய பாலாஜி மோகனை திருமணம் செய்து கொண்டார்.
சில வருடங்களுக்கு முன்பு CSK vs RCB அணிகளுக்கு இடையே நடந்த IPL போட்டி பற்றி இவர் போட்ட ட்வீட் பெரும் சர்ச்சையை உண்டாக்கியது. அது இதுதான்: தண்ணீருக்காக எங்களிடம் பிச்சை எடுக்கிறீர்கள். எங்கள் பெங்களூரை ஆக்ரமித்து, அந்த ஊரை கொச்சைப்படுத்துகிறீர்கள். எங்களிடம் பிச்சை கேட்பதால்.... தருகிறோம்.
blue sattai maaran
இவருக்கு எதிராக HateDhanya எனும் ஹாஷ்டாக் ட்ரெண்டிங் ஆனதால்... கடுப்பான இவர் 'இனி தமிழ்ப்படங்களில் நடிக்கவே மாட்டேன்' என சபதம் போட்டார். சரி இப்போது இதை சொல்ல வேண்டிய அவசியமென்ன என்று கேட்கிறீர்களா? லால் சலாம் படத்தின் கதாநாயகியே இவர்தான்.
எத்தனையோ நடிகைகள் இருக்கும்போது.. தமிழர்களை பிச்சை எடுப்பவர்கள் என்று கூறிய இவரை ஹீரோயினாக நடிக்க வைத்துள்ளார் ஐஸ்வர்யா. இதற்கு ரஜினியும் எதிர்ப்பு தெரிவிக்கவில்லை. தலீவரை சங்கி இல்லையென்று கூறிய ஐஸ்வர்யா... இதற்கு என்ன பதில் கூறுவார்? சினிமா ரசிகர்களே... உங்கள் வேலை... இந்த படத்தை சூப்பர் ஹிட் ஆக்குவது மட்டுமே. மற்றபடி வேறு எந்த கேள்வியும் கேட்காதீர்கள். எஞ்சாய்” என குறிப்பிட்டு உள்ளார்.
இதையும் படியுங்கள்... பிறந்தநாளன்று நடிகை திவ்ய பாரதிக்கு இரவில் இன்ப அதிர்ச்சி கொடுத்த ஜிவி பிரகாஷின் கிங்ஸ்டன் படக்குழு
சேனலை கிளிக் செய்து பின்தொடரவும்
