காதலை கன்ஃபார்ம் செய்த பிக்பாஸ் அர்ச்சனா.. அப்ப அந்த சீரியல் ஹீரோ தானா?

ராஜா ராணி சீசன் 2 சீரியலில் வில்லியாக நடித்ததன் மூலம் பிரபலமானவர் வி.ஜே. அர்ச்சனா. இதை தொடர்ந்து அவர் பிக்பாஸ் சீசன் 7 நிகழ்ச்சியில் வைல்ட் கார்டு எண்ட்ரியாக கலந்து கொண்டார்.

தொடக்கத்தில் நெகட்டிவ் விமர்சனங்களை பெற்ற அர்ச்சனா நாட்கள் செல்ல செல்ல டாப் போட்டியாளர்களில் ஒருவராக மாறினார்.

மேலும் அவருக்கு இந்த நிகழ்ச்சியில் நல்ல ஆதரவும் கிடைத்தது. இதை தொடர்ந்து பிக்பாஸ் நிகழ்ச்சியின் 7-வது சீசன் டைட்டில் வின்னர் அர்ச்சனா.

சமூக வலைதளங்களில் ஆக்டிவாக இருக்கும் அர்ச்சனா, அவ்வப்போது தனது புகைப்படங்களை சமூக வலைதளங்களில் வெளியிட்டு வருகிறார். 

இதனிடையே அர்ச்சனாவும் பாரதி கண்ணம்மா சீரியலில் ஹீரோவாக நடித்த அருண் பிரசாத்தும் காதலித்து வருவதாக ஏற்கனவே செய்திகள் உலா வந்தாலும், அதுபற்றி இருவருமே வாய்திறக்காமல் இருந்து வந்தனர்.

நடிகர் அருண் பிரசாத் தன்னுடைய இன்ஸ்டாகிராம் பக்கத்தில் பெண் ஒருவருடன் போட்டிங் சென்றபோது எடுத்த புகைப்படத்தை பதிவிட்டு, தற்போது இதில் தான் பிசியாக இருக்கிறேன் என பதிவிட்டிருந்தார்.

பாரதி கண்னம்மா சீரியலுக்கு பிறகு எந்த சீரியலிலும் நடிக்காத அருண் பிரசாத் அவ்வப்போது தனது புகைப்படங்களை சமூக வலைதளங்களில் பதிவிட்டு வருகிறார்.

அந்த வகையில் தனது சமீபத்திய போட்டோஷூட் வீடியோவை அருண் பிரசாத் பதிவிட்டிருந்தார். இந்த வீடியோ இணையத்தில் வைரலான நிலையில் அர்ச்சனா ” Thanks for Shooting My hero" 2என்று கமெண்ட் செய்திருந்தார். 

இந்த கமெண்டை பார்த்த ரசிகர்கள் அர்ச்சனா - அருண் பிரசாத் இடையேயான காதல் உறுதியாகி விட்டதாக கருத்து பதிவிட்டு வருகின்றனர். மேலும் சிலர் விரைவில் திருமணம் செய்து கொள்ளுங்கள் என்றும் எப்போது உங்கள் காதலை அதிகாரப்பூர்வமாக அறிவிக்க போகிறீர்கள் என்றும் கமெண்ட் செய்து வருகின்றனர்.