ஆள விடுங்க சாமி... பிக்பாஸ் வீட்டுக்கு கும்பிடு போட்ட பவா செல்லதுரையின் மனைவி இவரா? வைரலாகும் குடும்ப போட்டோ!
பிக்பாஸ் சீசன் 7 நிகழ்ச்சி, கடந்த வாரம் துவங்கிய நிலையில்... முதல் வாரத்திலேயே வீட்டில் இருந்து வெளியேறியுள்ள பவா செல்லதுரையின் குடும்ப புகைப்படம் தற்போது சமூக வலைத்தளத்தில் வைரலாக பார்க்கப்பட்டு வருகிறது.
உலக நாயகன் கமல்ஹாசன் தொகுத்து வழங்கி வரும், பிக்பாஸ் சீசன் 6 நிகழ்ச்சி கடந்த ஜனவரி மாதம் முடிவடைந்த நிலையில், சீசன் 7 கடந்த வாரம் (அக்டோபர் 1-ஆம்) தேதி மிகவும் பிரமாண்டமாக துவங்கியது. இதில், 90'ஸ் களின் கவர்ச்சி கன்னி விசித்ரா,முதல் சீரியல் நடிகை வினுஷா, ரவீனா தாஹா, சீரியல் நடிகர் விஷ்ணு, எழுத்தாளர் பவா செல்லதுரை வரை மொத்தம் 18 போட்டியாளர்கள் கலந்து கொண்டனர்.
முதல் வாரத்திலேயே நாமினேஷன் படலம் துவங்கிய நிலையில், முதல் போட்டியாளராக அனன்யா ராவ் எலிமினேட் செய்யப்பட்டார். இதை தொடர்ந்து எழுத்தாளர் பவா செல்லத்துரை தனக்கு உடல்நிலை இந்த நிகழ்ச்சியில் கலந்து கொள்ள ஒத்துழைக்கவில்லை என கூறி, தானே வெளியேறுவதாக கூறினார். பிக்பாஸ் அவரிடம் பேச்சு வார்த்தை நடத்திய, பின்னர் அவரின் உடல்நிலையை கருத்தில் கொண்டு நிகழ்ச்சியை விட்டு வெளியேற்றுவதாக அறிவித்தார்.
பிக்பாஸ் மூலம் பிரபலமாகியுள்ள பவா செல்லத்துரையின் குடும்ப புகைப்படங்கள் சில தற்போது சமூக வலைத்தளத்தில் ரசிகர்களால் அதிகள் பார்க்கப்பட்டு வருகிறது.
பவா செல்லதுரை யார்?
பவா செல்லதுரை பன்முக திறமையாளராக அறியப்படுகிறார். இந்திய எழுத்தாளர், கதை கூறுபவர், நடிகர், இலக்கிய ஆர்வலர் மற்றும் ஒரு விவசாயி ஆவார். பவா தன்னுடைய சிறுகதைகளுக்காக மிகவும் பிரபலமாக அறியப்படுகிறார். அதே போல் 'ஜெய்பீம்', 'ஜோக்கர்' உள்ளிட்ட சில வெற்றி திரைப்படங்களில் முக்கிய கதாபாத்திரத்தில் நடித்துள்ளார்.
பவா செல்லதுரை குடும்பம்:
பவாவின் சொந்த ஊர் திருவண்ணாமலை. தன்னுடைய பள்ளிப்படிப்பை அங்கு முடித்த பின்னர், கல்லூரி படிப்பை சென்னையில் முடித்தார். இதை தொடர்ந்து விவசாயம் மற்றும் எழுதுவதிலும், படிப்பதிலும் அவருக்கு அதிக நாட்டம் இருந்ததால், அதையே தன்னுடைய பணியாக மேற்கொண்டார். 61 வயதாகும் பவா செல்லதுரைக்கு ஷைலஜா என்கிற மனைவியும் வம்சி என்கிற மகனும் மானசி என்கிற மகளும் உள்ளனர்.
பிக்பாஸ் வீட்டில் போட்டியாளர்களுக்கு தன்னுடைய கதை மூலம் உற்சாகப்படுத்திய பவா, ஒரு வலிமையான போட்டியாளராக பார்க்கப்பட்ட ஒரே வாரத்தில் இவர் தானாக முன் வந்து பிக்பாஸ் வீட்டை விட்டு வெளியேறியது, அவரது ரசிகர்களுக்கு ஏமாற்றமே என்பதில் எந்த சந்தேகமும் இல்லை.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D