அடேங்கப்பா... டைட்டில் வின்னரை கூட இப்படி வரவேற்க மாட்டாங்க! பணத்தோடு வெளியேறிய பூர்ணிமாவுக்கு ஜோரான வரவேற்பு!

பூர்ணிமா ரவி 16 லட்சம் தொகையுடன் பிக்பாஸ்  வீட்டை விட்டு வெளியேறிய நிலையில், அவருக்கு தடபுடலாக வரவேற்பு கொடுக்கப்பட்டுள்ளது. 

பிக்பாஸ் சீசன் 7 நிகழ்ச்சி கடந்த, வருடம் அக்டோபர் 1-ஆம் தேதி துவங்கப்பட்டது. கமல் ஹாசன் தொகுத்து வழங்கிய இந்த நிகழ்ச்சியில், முதல் நாளே 18 போட்டியாளர்கள் பிக்பாஸ் வீட்டிற்குள் நுழைந்தனர்.

இப்படி பிக்பாஸ் வீட்டிற்குள் முதல் நாளே நுழைந்த போட்டியாளர்களில் பூர்ணிமா ரவியும் ஒருவர். முதல் வாரமே அனன்யா ராவ் ஓட்டுகள் அடிப்படையிலும்... பவா செல்லதுரை உடல்நல பிரச்சனை காரணமாகவும் வெளியேறினர்.

இதை தொடர்ந்து மிகவும் ஸ்ட்ராங் போட்டியாளர்களாக பார்க்கப்பட்ட சிலர் வெளியேற்றப்பட்ட நிலையில்... டைட்டில் வெல்ல தகுதியானவராக பார்க்கப்பட்ட பிரதீப் ரெட் கார்டு கொடுத்து வெளியேற்றப்பட்டது மிகப்பெரிய சர்ச்சையை ஏற்படுத்தியது.

பிரதீப் ஆண்டனி வெளியேற முக்கிய காரணம், பூர்ணிமா என்பதாலும்... அவர் Ball விஷயத்தில் உண்மையை மறைத்து, பிரதீப் மீது பழி போட்டதால் வீடியோ போட்டு ரசிகர்கள் பூர்ணிமா மீது வெறுப்பை கொட்டினர்.

எனவே 50 நாட்களுக்கு முன்பே பூர்ணிமா பிக்பாஸ் வீட்டில் இருந்து வெளியேறி விடுவார் என எதிர்பார்க்கப்பட்ட நிலையில், எப்படியோ தப்பித்து 95 நாட்கள் பிக்பாஸ் வீட்டில் தாக்குப்பிடித்தார்.

கமல்ஹாசனின் கடும் சொல்லால் பலமுறை... பிக்பாஸ் வீட்டை விட்டு வெளியேறும் முடிவையும் எடுத்துள்ளார் பூர்ணிமா. ஆனால் மாயாவின் அன்பும் அரவணைப்பும் தான் பூர்ணிமாவை இதனை நாள் பிக்பாஸ் வீட்டில் தாக்குப்பிடிக்க வைத்தது.

இந்நிலையில், எப்படியும் பிக்பாஸ் டைட்டிலை வெல்ல மாட்டோம் என்கிற நிலைப்பாட்டில் உறுதியாக இருந்ததால் 10 லட்சம் மேல் பிக்பாஸ் பண பெட்டியை இறக்கினால் எடுத்து கொண்டு கிளம்பி விடுவேன் என்பதையும் சூசகமாக தெரிவித்தார்.

அந்த வகையில் விசித்ரா தான் பண பெட்டியுடன் பிக்பாஸ் வீட்டில் இருந்து வெளியேறிவிட்டதாக கூறப்பட்ட நிலையில், யாரும் எதிர்பாராத விதமாக பூர்ணிமா சுமார் ரூபாய் 16 லட்சம் தொகையுடன் வெளியேறினார்.

பாதிலேயே பிக்பாஸ் வீட்டை விட்டு வெளியேறிய பூர்ணிமாவுக்கு அவரது குடும்பத்தினர்... ஆட்டம்.. பாட்டத்துடன் உச்சாக வரவேற்பு கொடுத்துள்ளனர். இதுகுறித்த போட்டோஸ் தற்போது வெளியாகியுள்ளது. குடும்பத்துடன் சேர்ந்து கேக் வெட்டி, இந்த மகிழ்ச்சியை பூர்ணிமா கொண்டாடியுள்ளார். பிக்பாஸ் ரசிகர்கள் பலர் டைட்டில் வின்னருக்கு கூட இப்படிப்பட்ட வரவேற்பு கிடைக்காது... இதெல்லாம் கொஞ்சம் ஓவர் என கமெண்ட் போட்டு வருகிறார்கள்.