திருமணமான மூன்றே மாதத்தில்... அசோக் செல்வன் - கீர்த்தி பாண்டியன் இடையே மோதல் - கோலிவுட்டில் அடுத்த பரபரப்பு
நடிகர் அசோக் செல்வனும், நடிகை கீர்த்தி பாண்டியனும் கடந்த செப்டம்பர் மாதம் குடும்பத்தினர் சம்மதத்துடன் காதல் திருமணம் செய்து கொண்டனர்.
Keerthi Pandian, Ashok selvan
தமிழ் சினிமாவில் ரீல் ஜோடியாக நடித்து ரியல் ஜோடி ஆனவர்கள் ஏராளம். அந்த வரிசையில் புதிதாக இணைந்திருப்பவர்கள் தான் அசோக் செல்வன் - கீர்த்தி பாண்டியன் ஜோடி. இவர்கள் இருவரும் ப்ளூ ஸ்டார் என்கிற திரைப்படத்தில் இணைந்து நடித்துள்ளனர். அப்படம் இன்னும் ரிலீஸ் ஆகவில்லை. அதற்கு முன்னரே இருவரும் திருமணம் செய்துகொண்டனர். இவர்களது திருமணம் கடந்த செப்டம்பர் மாதம் கோலாகலமாக நடைபெற்றது.
saba nayagan movie poster
திருமணத்துக்கு பின்னர் அசோக் செல்வன் - கீர்த்தி பாண்டியன் இருவருமே சினிமாவில் கவனம் செலுத்த தொடங்கி உள்ளனர். அதன்படி அசோக் செல்வன் நடிப்பில் தற்போது சபா நாயகன் என்கிற திரைப்படம் தயாராகி உள்ளது. சி.எஸ்.கார்த்திகேயன் இயக்கியுள்ள இப்படத்தில் அசோக் செல்வன் ஜோடியாக மேகா ஆகாஷ் நடித்துள்ளார். இப்படம் வருகிற டிசம்பர் மாதம் 15-ந் தேதி திரைக்கு வர உள்ளதாக அறிவிக்கப்பட்டு உள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
kannagi movie poster
இதேபோல் நடிகை கீர்த்தி பாண்டியன் நடிப்பில் உருவாகி இருக்கும் கண்ணகி படமும் ரிலீசுக்கு ரெடியாகி வருகிறது. இப்படத்தை யஷ்வந்த் கிஷோர் இயக்கி உள்ளார். கதாநாயகியை மையமாக வைத்து உருவாகி இருக்கும் இப்படத்தில் கர்ப்பிணிப் பெண்ணாக நடித்திருக்கிறார் கீர்த்தி பாண்டியன். ஷான் ரஹ்மான் இசையமைத்துள்ள இப்படத்திற்கு ராம்ஜி ஒளிப்பதிவு செய்துள்ளார். இப்படத்தின் தமிழக வெளியீட்டு உரிமையை சக்தி பிலிம் பேக்ட்ரி நிறுவனம் வாங்கி உள்ளது.
saba nayagan vs kannagi
இதில் டுவிஸ்ட் என்னவென்றால் கண்ணகி படமும் வருகிற டிசம்பர் 15-ந் தேதி தான் ரிலீஸ் ஆக உள்ளது. திருமணமாகி மூன்றே மாதத்தில் அசோக் செல்வன் - கீர்த்தி பாண்டியன் ஜோடி பாக்ஸ் ஆபிஸில் மோதிக்கொள்ள உள்ளது கோலிவுட் வட்டாரத்தில் பரபரப்பாக பேசப்பட்டு வருகிறது. இந்த பாக்ஸ் ஆபிஸ் மோதலில் வெல்லப்போவது யார் என்பதை பொறுத்திருந்து தான் பார்க்க வேண்டும். கண்ணகி - சபாநாயகன் படங்கள் ஒரே நாளில் ரிலீஸ் ஆவது தான் தற்போது கோலிவுட்டில் ஹாட் டாப்பிக்காக உள்ளது.
இதையும் படியுங்கள்... பருத்திவீரன் பஞ்சாயத்துக்கு மத்தியில் நடிகர் சூர்யாவின் படத்தில் அதிகாரப்பூர்வமாக இணைந்த அமீர்