ப்ளீஸ் லேடி சூப்பர்ஸ்டார்னு கூப்பிட வேண்டாம்... பயங்கரமா திட்றாங்க - பட்டத்தை பார்த்து பயப்படும் நயன்தாரா
தயவு செஞ்சு என்னை லேடி சூப்பர்ஸ்டார்னு கூப்பிடாதீங்க என அன்னபூரணி பட புரமோஷனில் நடிகை நயன்தாரா வேண்டுகோள் விடுத்துள்ளார்.
nayanthara
தென்னிந்திய திரையுலகில் 20 ஆண்டுகளுக்கு மேலாக முன்னணி ஹீரோயினாக வெற்றிநடைபோட்டு வருபவர் நயன்தாரா. சினிமாவில் அவர் செய்த சாதனைகளை போற்றும் வகையில் அவருக்கு லேடி சூப்பர்ஸ்டார் என்கிற பட்டத்தையும் கொடுத்து ரசிகர்கள் அழகு பார்த்தனர். இந்த நிலையில், அன்னபூரணி படத்தின் புரமோஷன் நிகழ்ச்சியில் கலந்துகொண்ட நடிகை நயன்தாரா, லேடி சூப்பர்ஸ்டார் என அழைக்க வேண்டாம் என வேண்டுகோள் விடுத்துள்ளார். அதற்கான காரணத்தை பற்றி பார்க்கலாம்.
Lady superstar nayanthara
அதன்படி அவர் கூறியதாவது : “தயவு செஞ்சு லேடி சூப்பர்ஸ்டார்னு சொல்லாதீங்க. அப்படி சொன்னாலே திட்றாங்க. அன்னபூரணி படத்தில் எல்லா விஷயத்தையும் நான் செக் பண்ணேன். என்னுடைய அனுமதி இல்லாம எதுவுமே போகக்கூடாதுனு சொல்லிருந்தேன். ஆனால் அந்த லேடி சூப்பர்ஸ்டார்னு போட்டது என்கிட்ட சொல்லாமே பண்ணிருந்தாங்க என நயன்தாரா சொன்னவுடன், ஃபேன் பாய் சம்பவமா இருக்கட்டும்னு சர்ப்ரைஸாக அப்படி செய்ததாக இயக்குனர் நிலேஷ் கிருஷ்ணா விளக்கம் அளித்தார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Annapoorani heroine nayanthara
தொடர்ந்து பேசிய நயன்தாரா, இன்னும் நான் அந்த இடத்துக்கு வரலையா, இல்ல பொண்ணா இருப்பதனால் அப்படி ஒரு பட்டம் இருக்கக்கூடாதுனு நினைக்குறாங்களானு தெரியல. ஒவ்வொரு முறை அந்த பட்டத்தை குறிப்பிடும் போது ஒரு பத்து பேர் பெருமையா சொன்னாங்கனா, ஒரு 50 பேர் திட்டுவாங்க. என்னுடைய பயணமும் அந்த பட்டத்தை நோக்கி கிடையாது. அந்த பட்டம் எல்லாருமே எனக்கு கொடுத்திருக்குற அன்பு. நான் போட வேண்டாம்னு சொன்னாலும் யாருமே கேக்கமாட்றாங்க. இந்த அன்பினால் தான் அது கிடைத்தது என கூறி இருக்கிறார் நயன்தாரா.
annapoorani movie poster
அன்னபூரணி திரைப்படத்தில் கதையின் நாயகியாக நடித்துள்ளார் நயன்தாரா. கடந்த வாரம் திரைக்கு வந்த இப்படம் தொடர்ந்து வெற்றிநடைபோட்டு வருகிறது. இப்படத்தை நிலேஷ் கிருஷ்ணா என்கிற புதுமுக இயக்குனர் இயக்கி உள்ளார். இப்படத்தில் நயன்தாராவுக்கு ஜோடியாக ஜெய் நடித்துள்ளார். மேலும் சத்யராஜ், ரெடின் கிங்ஸ்லி, பிக்பாஸ் பூர்ணிமா ஆகியோர் இப்படத்தில் முக்கிய கதாபாத்திரத்தில் நடித்துள்ளனர். தமன் இப்படத்திற்கு இசையமைத்துள்ளார். இது நடிகை நயன்தாராவின் 75-வது படம் என்பது குறிப்பிடத்தக்கது.
இதையும் படியுங்கள்... விஜய் சேதுபதி படத்தில் இருந்து திடீரென வெளியேறிய மம்முட்டி... அவருக்கு பதிலாக ஜெயிலர் பட நடிகர் ஒப்பந்தம்
சேனலை கிளிக் செய்து பின்தொடரவும்
