யூ டியூப் மட்டுமல்ல.. இந்த பிசினஸிலும் கல்லா கட்டும் வனிதா விஜயகுமார்... லட்சங்களில் வருமானம்..

தங்கள் நடிப்பு மற்றும் திறமை மூலம் சிலர் மக்கள் மத்தியில் பிரபலமாவார்கள். சிலர் நெகட்டிவ் விமர்சனங்கள் மற்றும் சர்ச்சைகளின் மூலம் பிரபலமாவார்கள். பிரபல நடிகை வனிதா விஜயகுமார் இதில் 2வது வகை. தனது பெற்றோர் மற்றும் உடன் பிறந்தவர்களுடன் இருந்த கருத்து வேறுபாட்டை மீடியா முன்பு வந்து பேசியது தொடங்கி தனது திருமண வாழ்க்கை வரை பல சர்ச்சைகள் மூலம் பிரபலமானவர் வனிதா. 

நட்சத்திர தம்பதிகளான விஜயகுமார் – மஞ்சுளா தம்பதிக்கு பிறந்த மூத்த மகள் தான் வனிதா. தளபதி விஜய்க்கு ஜோடியாக ‘சந்திரலேகா’ படத்தின் மூலம் கதாநாயகியாக அறிமுகமான வனிதா விஜயகுமார் சில படங்களில் நடித்துள்ளார். இதை தொடர்ந்து 2000-ம் ஆண்டு நடிகர் ஆகாஷை திருமணம் செய்து செட்டில் ஆனார். தொடர்ந்து அதே ஆண்டில் ஆனந்த் என்ற தொழிலதிபரை மணந்தார்.

முதல் கணவருக்கு விஜய ஹரி, ஜோவிகா என இரு பிள்ளைகளும், 2வது கணவருக்கு ஜெயனிதா என்ற மகளும் என மொத்தம் 3 பிள்ளைகள் உள்ளனர். எனினும் மகன் விஜய ஹரியை தந்தையுடன் இருக்க நீதிமன்றம் அனுமதித்தது. அதனால் வனிதாவை விட்டு விலகி தந்தையுடன் வளர்ந்து வருகிறார் விஜய ஹரி.

அதேபோல் வனிதாவின் முதல் கணவருக்கு பிறந்த மகள் ஜோவிகா தற்போது வனிதாவுடன் வசித்து வருகிறார். இரண்டாவது கணவருக்கு பிறந்த மகள் ஜெயனிதா தனது தந்தையுடன் வசிக்கிறார், இதனிடையே பிக்பாஸ் சீசன் 3 நிகழ்ச்சியின் மூலம் மீண்டும் பிரபலமானார் வனிதா. பிக்பாஸ் நிகழ்ச்சிக்கு ஓயாமல் கண்டெண்ட் கொடுத்த வந்த வனிதாவுக்கு வத்திக்குச்சி வனிதா என்ற பெயரும் கிடைத்தது.

கடந்த 2020-ம் ஆண்டு பீட்டர் பால் என்பவரை திருமணம் செய்து கொண்டார். ஆனால் அவருடன் ஏற்பட்ட மோதலால் தற்போது அவரை விட்டு பிரிந்துவிட்டார். இதுதவிர சில காதல், சர்ச்சைகளில் சிக்கிய வனிதா, அதிலிருந்து மீண்டு... தற்போது திரையுலகில் முழு கவனம் செலுத்தி வருகிறார்.. மேலும் சமீபத்தில் நடந்து முடிந்த பிக்பாஸ் நிகழ்ச்சி குறித்து யூ டியூப் சேனல்களுக்கு விமர்சனம் செய்து வந்தார்.

இதனிடையே யூ டியூப் சேனல் ஒன்றை தொடங்கிய வனிதா அதில் வீடியோக்களை பதிவிட்டு வருகிறார். மேலும் துணிக்கடை ஒன்றையும் வனிதா விஜயகுமார் நடத்தி வருகிறார். சென்னை நுங்கம்பாக்கத்தில் விவி ஸ்டைலிங் என்ற பெயரில் இந்த கடை செயல்பட்டு வருகிறது. இங்கு ஆடைகள் மட்டுமின்றி மேக்கப் பொருட்களும் கிடைக்கின்றன. 

மேலும் இந்த கடையில் இருக்கும் அனைத்து ஆடைகளும் வனிதா டிசைன் செய்வது தான். வனிதா பேஷன் டெக்னாலஜியில் அட்வான்ஸ் டிப்ளமோ முடித்திருக்கிறார். பி. வாசு இயக்கிய பல படங்களுக்கு வனிதா தான் ஆடை வடிவமைப்பாளராக பணியாற்றி உள்ளார்.

ஒருபுறம் சொந்த யூ டியூப் சேனல் நடத்தி வரும் வனிதா அவ்வப்போது, மற்ற யூ டியூப் சேனல்களுக்கும் பேட்டி கொடுத்து வருகிறார். இவை தவிர தனக்கு சொந்தமான விவி ஸ்டைலிங் கடை மூலம் லட்சக்கணக்கில் சம்பாதித்து வருகிறார் வனிதா.